Duuɓi ɗuɗɗi caaliɗe, dabbaaji ladde keɓay ndiyam.

Ɗi tefi gal bakkeeji fuu ɗi keɓay ndiyam ɗam.

Ɗi hoo'i anniya moɓtugo ko'eji maɓɓe ngam haa ɗi keɓɓa dabarewol goɗngol. Dabbaji fuu kawri haa kawtal maajum, sey Goyru ladde tan tawaka.

Goyru ladde wi'i, "Noy hawtan mi bee hunyaare mo haccunde?"

Wakkati kawtal, dabbaji narri wasugo googa.

Lelwa wi'i, "Googa aamin luggay e nden sey yaaja. To nga heewii, ndiyam aamin timmataako fahin."

Ɗi ɗon wasa googa bee yimaago e womaago.

Ragare maajum, ndiyam fuɗi vurtugo haa nder lesdi bee sembe et facci nder googa.

Dabbaaji ɗon ceyi masin. Ɗi meeɗan mettugo iriŋ ndiyam belɗam e pewɗam maajum.

Yande feere, dabbaaji yirliti woodi goɗɗo feere ɗon fija nder ndiyam e o ɗon tulwina ɗam.

Nden bee hoo'i anniya ngam aynugo googa maajum.

Bojel on fuɗi aynugo googa. Goyru ladde yottake bee ɓoggol maako.

"Ɗume ngaɗata haa ɗo?" Goyru ladde ƴami.

"Mi ɗon ayna ndiyam aamin," nootani mo Bojel.

Goyru ladde ƴami Bojel bee fijjo bee maako.

Jahargal fijjirde maajum woni be haɓɓa gooto bee ɓoggol, maɓɓa gite e lima baakin ujineere.

Bojel jaɓi.

Goyru ladde haɓɓi Bojel, o fuɗi limugo.

Goyru ladde yari nder googa et o fiji nder maa ga.

Nden o facci ndiyam seɗɗa et mo dilli. Bojel ɗon tokkitini limugo.

Bojel timmini limmugo o maɓɓiti gite.

Goyru ladde doggi.

Bojel ewni dabbaaji feere ngara wallito mo ngam fistugo mo.

Dabbaaji ɗon tokkiti bee aynuki googa, amma bee waaway nangougo goyru laade.

Hunyaare wi'i, "Acce ɗam mi yurno." O diiɓi nder ndiyam ngam reenugo Goyru ladde.

Wakkati Goyru ladde yotti, o numi, "Wala goɗɗo!" O fuɗi yarugo ndiyam.

Nden o maati kuuje feere ɗon ngata mo ɗemgal. Ɓaawo, kuuje nga ɗon dasa mo nder ndiyam!

Dabbaaji woɗɓe fuɗi doggugo, hiddeeko man, Goyru ladde ɗon wooka et ɗon ficca.

Dabbaaji haɓɓi Goyru ladde.

Hunyaare wi'i haa Goyru ladde, "An a boofani min fuu aamin. Njoɓa koo a waɗani min." Dabbaaji fuɗi hellanaago Hunyaare kaŋko woni mo jaaliɗo.

Daga nden, ɗi waawi yarugo ndiyam laɓɗam bee feesaare.