Mandu ɗon yeeɗa bee maamaji maako, yaapendo maako e bappa maako. O marɗo cofal, mbeewa, mbaala e gaduuru.

Cofal ɗon jooɗi nder suudu maaru. Mbeewa, mbaala e gaduuru ɗon no haɓɓi sera mahol. Maamaji boo ɗon no be njamu maɓɓe tawon. Yaapendo e bappa  ɗon no walla bee kuuɗe.

Duuɓi caaliɗe seɗɗa, kuuje fuɗi waylititgo. Maamaji Mandu fuɗi naywugo, bee nanataako e bee laarata koo ɗume.

Yaapendo maako fuɗi nyawugo e o wawata wallugo ngam vuwugo saare.

Bappa maako boo ɗon ɗaano kala wakati fuu e o waawata wallugo ngam sukulanaago dabbaaji.

Dammooji ɗon waɗa hoolo ɗuɗɗum ngam daliila weelo.

Saare ɗon heewi salite ngam yaapendo wala sukulugo bee maare.

Mandu ɗon somi kala wakati fuu. O woowi no wurtugo ngam tefugo nyamdu yimɓe fuu.

Ɓillaaje man ɓuri seme Mandu nden o waaway waɗugo koo ɗume. O ƴami sawari haa maamaji maako marɓe duuɓi. O ɗon yurmi ngam maamaji muuɗum nanataako mo.

Yaapendo maako mo nyawɗo wi'i, "Koo marmi haaje kam, sey ɗaanugo jemma e mi heɓa mi fina fajjira."

Bappa maako mo mbaaseejo wi'i, "Sippu dammooji e soodu nyamdu ngam maamaji maaɗa. Bee ɗaanan e bee ɓillataama fahin."

Mandu tikki. O wi'i, "Bappa, a anndi fakat mi waawata sippugo dammooji. Ɗum woni risku ngu marmi tan."

Jemma fuu, Mandu ɗaanay sam. Nden o numti goɗɗo feere marɗo hikma mo yimɓe fuu ɗon mari hoolaare no ni o maran dabareeji heedi ɓillaaji fuu.

Mandu hoo'i dammooji maako nden o yehi laari goɗɗo marɗo hikma go.

O acci mbeewa, mbaala e gaduuru haɓɓa kon bee ɓoggol maa kon, e o jogi cofal haa juuɗe maako.

Mandu yotti haa saare goɗɗo marɗo hikma, o somi et o ɗon doli boo.

Ɓaawo o fuɗɗi hollugo ɓillaaji maako haa marɗo hikma, marɗo hikma wi'i, "Mi wallete amma sey ngaɗa bana ko mi wiyete."

Mandu nootani mo, "Mi waɗan koo ɗume ngam humtaago ɓillaje am."

Goɗɗo marɗo hikma wi'i, "Accu dammooji haa ɗo e hootu saare."

Mandu wi'i, "Amma mi yeeɗi duuɓi ɗuɗɗi bee dammooji am. Ɗi woni risku ngu marmi tan."

Goɗɗo marɗo hikma wi'i, "Mi wi'i no ma mi wallete, amma sey ngaɗa koo mi wi'i ma."

Mandu mari haaje humtugo ɓillaaje maako, o acci dammooji nden o hooti saare maako.

Saare maako ɗon sirwi masin e wala koo ɗume. Dammooji ɗon suuni ɓe. Maamaji Mandu ɗon turti ngam bee wala kosam meewa bana ko woowa.

Bappa wi'i, "Min laafi jur, yimɓe fuu ɗon jala min."

Mandu waaway ɓusugo ngurngurtol, nden boo dammooji maako ɗon suuni mo.

O lorti laarugo goɗɗo marɗo hikma ngam ƴamugo mo sawari. "Yeeɗugo haa sarre billa dammooji am ɗon saɗi masin. Saarooji am fuu yiɗi laarugo kon."

Goɗɗo marɗo hikma wi'i, "Mi wi'i no ma mi wallete, amma sey ngaɗa koo mi wi'i ma. Loru saare ma e wurtin maamaji maaɗa digam saare."

Mandu wi'i, "Noy noy waaran mi ɗo? Bee laati maamaji am e bee ɗon jooɗi nder kalifaaku am."

Ragare ma, Mandu hooti saare waɗi ko o wi'i mo. O wala salaaman nder hoore muuɗum.

Maamaji maako wala her bee njahata. Bee ɗon jiija, ngam ta bee nawna kuujeji. Bee ɗon maata gulɗum bee naange e jaangol bee jemma.

Yaapendo maako mo nyawɗo fuɗi siikugo, "Ta fartam!"

Bappa maako mo mbaaseejo fuɗi siikugo, "Taa fartam min boo!"

Mandu waaway ɓusugo. O lorti laarugo gorko marɗo hikma, sakiliɗo e tikkuɗo.

O fuɗi siikugo bee wi'igo, "Ɗum ɗuuɗi ngam goɗɗo feere mum. Hokkam dabareewo boɗngol."

Gorko marɗo hikma wi'i, "Nda, hoocitu dammooji ma hootu saare bee maaji. Lornu maamaji ma haa saare."

Mandu waɗi ko bee wi'i mo o waɗa. Yaapendo maako wi'i, "Mi vuyan saare."

Bappa maako acci mbaaseeku e o fuɗi wallugo Mandu bee kuuɗe.

Nden bee fuɗi yeeɗititgo nder welweelo e hawtaade.