Lumbazi laatan no pellel woɗngel, amma seewaaku wonay haa tarde maajum.

Kolobaji pusanɗi ɗon heewi pellel maajum, ɗereeji ɗon saŋkiti haa nder gure maajum e hendu boo laati comɓɗum, ndu ɗon hacca boo.

Ɓiɓɓe ɗiɗi nawni ko'e maɓɓe ton dalila kolobaji njewkon maajum.

Yaake hendu fuɗɗi fuufugo, ɗereeji ɗon fiira e ɗon takka dow leggal e dow cuuɗi.

Ɗum ɗon ɓilla yimɓe ɗumbe warugo laarugo wuro Lumbazi.

Nden yande feere, biyeteɗo Sike, marɗo duuɓi 9 fuɗɗi wolwugo haala maajum bee soobiraaɓe maako.

"Laɓɓinen tarde aamin hawtaade. Min foti min vuwa, min nokka kolobaji pusanɗi e min huutinira pellel rufaago salite nder calaaje aamin et gureeji aamin."

"Ɗum wallan min ngam jooɗaago laɓɓe. Sike tokki bee wi'igo, ɗum fooɗan gureji woɗɓe  warugo laarugo aamin."

Wakkati bee ɗon wolwa tawon, Obi wi'i, "Mi nokkan kolobaji pusanɗi ɗi bee hakkilo. Mi waatan ɗi haa pellel ngel nawnataako goɗɗo."

Felis wi'i, "Mi waddan bokotire wonde nder saare am ngam haa min huutinira bee waatugo."

Be huudi hawtaade kala nyalaade fuu.

Nden diga nyalaade maajum, Lumbazi warti pellel ceningel e boɗngel, ton yimbe foti yeeɗa.