Hoodi ɓiŋgel debbo feere marɗo anndal mo biyete ɗo Nomusa, o ɗon yeeɗa haa wuro ngo Masoyi.

O ɗon yeeɗa bee maama, mo remowo butaali. Ɓurna yimbe wuro man yahay lakko e bee ɗon yeeɗa bee ndemri.

Nomusa yardi yahago lakkol, nden maama maako debbo ɗon seyori mo.

Kala nyalaade fuu maama maako ɗon hokka mo kuugal ngam sukulanaago ngeesa.

O fartan abalayji e culli ɗi ɗon nyaama kujeeji coddol.

Nomusa yarday doggugo ɓaawo abalayji e culli kala asira fuu. Ndego o wala wakkati ngam timminugo kuuɗe ɗe bee ɗon hokkamo haa lakkol.

Ɓikkon ɗuɗɗe wala yahugo lakkol ngam bee ɗon sukula bee kuuɗe ngeesa.

Nde wakkati saalata fuu, Nomusa jaɓi doggugo ɓaawo culli e abalayji man tan.

"Mi ɗon mari dabare feere, o numi non."

Nomusa jo'ini kuunga nga hulnata dabbaaji caka ngeesa butaali. Kuunga nga wallatam wakkati mi ɗon sukli waɗɗugo kuuɗe ɗe bee hokki am haa lakko.

Nden o darni ɗum cir cir e o jo'ini ifinire dow maajum.

Ɗum kuunga nga wulnata!

Nomusa jo'ini kuunga nga hulnata dabbaaji caka ngeesa butaali.

Kuunga nga wallatam wakkati mi ɗon sukli waɗɗugo kuuɗe ɗe bee hokki am haa lakko. Nden o darni ɗum cir cir e o jo'ini ifinire dow maajum. Ɗum kuunga nga wulnata!

Kala nyalaade fuu, o ɗon yaha haa ngeesa bee boorel maako.

O ɗon jo'ina tusma lakkol e limce kuugal maako dow nkuunga nga hullnata culli e abalayji.

Ɓaawo man, o fuɗa waɗɗugo poondol maaka haa les leggal dow ɗawdi.

Balɗe caali, Nomusa numi, "Maama am heɓtata dabare am boɗngol ngol."

Nomusa ɗon seyi e nden boo o ɗon hayɗini.

Nden digam nden, abalayji e culli meeɗay nastugo ngeesa butaali sam.

Yande feere, maama Nomusa yehi ladde ngam tefugo butaali kecci.

Ngeesa ɗon sirwi. Naa abalayji, naa culli ɗon ton. Maama numi, "Nomusa ɗon huwa kuugal boɗngal."

Maama fuɗi siikugo, "Nomusa! Nomusa! Toy a woni?"

Wala mo jaabani mo.

Nder fəmet, o laari nkuunga nga hulnataa dabbaaji haa caka ngeesa, nga ɗon ɓoorni limce Nomusa!

Nde maama faami ko Nomusa waɗi, o seyori taaniko mum.

O numi, "Ɗum woni ƴoyre. Nomusa maray haaje yahugo haa ngeesa ngam fartugo abalyji e culli fahin."

Yimɓe wuro fuu ɗon yardi dabarewol anndal Nomusa. Fuu maɓɓe, bee fuɗi hutinirgo nkuunga nga haa geese maɓɓe.

Nkuunga man ɗon daayina abalayji e culli diga awreji, bikkoon foti yaha haa lakkol e bee siwtoto sukulanaago ngeesa.