Paaturu e Goyru laati soobiraaɓe goŋga.

Bee hoo'i anniya ngam yilaago soobiraaɓé maɓɓe Cik ngam julde danyeeki maako.

Cik kaŋko mo ɗon yeeɗa haa wuro feere. Paatuuru e Goyru mari balɗe ɗiɗɗi ngam bee yotta ton.

Paaturu e Goyru ɗon feerotiri nder gikku maɓɓe.

Goyru yardi nyamdu e ɗaanugo, e ndego o kalluɗo boo.

Paaturu laati boɗɗo, feesiɗo e foti en tammoran mo.

Bee kawti haa saare Goyru ngam taskara jahangal.

"Balɗe arandere mi taskitinan nyamdu," Goyru wolwi.

"Mi taskitinan bee balɗe ɗiɗamɓre," Paaturu wi'i.

Nden bee waɗi maandorde ngam taa bee hoyta.

"Ɗum kanduɗum lartugo Cik. Neeɓi min giiday bee soobaajo aamin," Goyru wolwani Paatuuru bee ɗoftugo mo haa saare maako.

"Mi yetti be ɗoftugo am haa saare," Paatu wolwani haa Goyru.

Bee kawri fajjiri jup ngam jahangal maɓɓe.

Bee ɗon ngima e bee ɗon woma bee welwelo dow laawol.

Ɓaawo seɗɗa, bee siwti les leggal manga feere. "Mi ɗon dili! Dillen nyaamugo," Paatu wi'i.

Nden Goyru jo'ini nyamdu mum nder taasaji ɗiɗi bee jawɗum. Nyamdu man ɗon tekki e non boo ɗon ndiyam ndiyam.

Paaturu ƴami, "Ɗum nyamdu ndu ngaduɗa jey aamin ɗiɗi naa?"

Paaturu tikki ngam soobaajo maako wadday nyamdu deydey bana ko bee narri. O nyaamay niiri Goyru.

"Ngam ɗume on nyaamata?" Goyru ƴami. O tammi no ni Paaturu de'itan nden ɓaawo ɗon o nyaaman.

Nder tikkere, paatu wi'i, "Ngam ɗume ngaduɗɗa nyamdu ndu an tan yiɗi?"

Goyru ɗon nyaama bee jawka haa taasawo do'i.

Nyamdu Goyru fuu rufi haa lesdi.

"Taa saklu hoore maa soobaajo am," Paaturu wi'i.

Paaturu wurtini nyamdu ni wooɗugo ko bee wi'ata sanwis. O fuɗi nyaamugo.

Goyru ɗon laara nyamdu Paaturu bee gite rooko.

Nde Paaturu timmini nyaamugo, o moɓti taasawo et kuuje mum wi'i Goyru, "En foti en tokkitina jahangal aamin naa?"

Nde bee ɗon dow laawol, oo yiɗa wolwango oya. Reedu Goyru ɗon wooka weelo.

Nyande man, Paatuuru facci nyamdu mum. O ɗaani bee seyo ngam o waddi nyamdu jur.

Goyru waali bee weelo.

Fajjiri, Paaturu nyaami nyamdu mum. Goyru ɗon laara nyamdu ndu tan.

Paaturu hokki nyamdu haa Goyru.

Goyru wi'i, "Njaafoɗa mi. Mi yiɗani hoore am tan."

Paaturu nootani mo, "Nyamden hawtaade."

Bee jooɗidi ngam nyaamugo.

Nder jahangal maɓɓe, bee soobiri fahin !

Bee yotti be wakkati haa saare Cik.

"Noy jahangal mon saali, soobiraaɓe am?" Cik ƴami.

Koo moy ɗon moosa, Paatuuru e Goyru nooti, "Jam koo ɗume."

Ɗum laati julde danyeeki boɗki.

Bee nyaami, yimi e bee wami!