Ikwarî na mwarî wetagwa Maṱodzi.

Maṱodzi atûraga ntûûrene na ng'ina na ûjûwe.

Ntukû imwe, ng'ina wa Maṱodzi's aramwîra aikie ntûmwa kîrî mami mûkûrû ntûûra îîngî.

"Tumîra kajîra karea tûmenyeretie," ng'ina ararikania Maṱodzi.

Maṱodzi arathingata njîra îîu yîtîte kwa mami wao mûkûrû guikia ntûmwa.

E njîrene achokete nja, araigua kajû gatina iinya aau akuî gakiugaga, "Itûbu ntethia."

Maṱodzi aratega aau akuî na aroona mwekûrû amami njîrene.

Aramûkethia aramûria, "Nîkî nontu ûmami aja?"

Mwekûrû aramûchokeria, "Imbajîtue na ntîîna iinya, na ndî kûraaja na gwakwa."

Maṱodzi aramuigiirua kîao.

Arera mwekûrû, "Ngaguikia gwetû nontû nî akuî."

Maṱodzi aratetheeria mwekûrû ûu gûkîîra. Bareeta kaora mwanka bakinya.

Maṱodzi na ng'ina na ûjûwe baramûmenyeera mwanka arabua.

Mwekûrû arabacokeria nkaatho inyingî ikûmûmenyeara.

Arakaatha Maṱodzi nî ûmîîria na wega bwawe.

Mwekûrû ararea Maṱodzi na nja yawe, "Ntîkaro ûrîrua ûrea bwanthithîrie.

Ntukû ithatû ciakûrûka, inkwenda buuga mantû jaîri bûrîngîenda."

Nyuma e ntukû ithatû, Maṱodzi na ng'ina na ûjûwe barauga mantu jaîrî.

Wendi bwao bwa mbere i kwîthîrwa beena nyomba înthongi.

Wendi bwao bwa jaîrî ikwîthîrwa beena mwitû akuuî na nyomba nî kenda batîgete kuraaja gûchoa nkû.

Wendi bwao buunthe bwakarîka, o taûrea mwekûrû augîte.

Maṱodzi na nja yawe baratûra bakenete barî nyomba yao înthongi akuî na mwitû.