Ntukû îmwe îgita rîa riûwa, Khosi athiûrûkaga agîcokaga, akîrigagwa natea akathithia.

Ng'ina wawe naarî egwîta muundene atiga Khosi.

"Natea nkathithia?" Khosi araciarîria.

Îthûgania rîramwîjîra.

"Ngeeta kûthambîîra mûuro, îîndi nûû tûgetania nawe?" Khosi arathûgania.

Îgiita rîu, ng'ina o Sophie aramûkûrûka etîte mûuro. Aakamatîte kîtheti kîûjûri nguû.

"Nkathingata ng'ina o sophie mûuro!" Khosi araciîra.

"No mbîtanie nagwe mûuro?" Khosi aroria. Ng'ina o Sophie areetîkîria akîthekaga.

Be njîrene, Nozipho araungana nabo. Nophizo atendete kûthambira îndî nakeneeraga kûuona bangî bakîthambagîra.

Barî mûuro, Khosi araciarîra, "Narua, inthiranîtie na kûthambîra rûjîîne aja îgûrû, ta mwana! mbîtîte kûonia muntû wonthe atî noo nthambîre ndeene buuru."

Athûngûtha atonya rûûjîîne. Rûûjî rwanyaga!

Nozipho arategera ari kûraaja.

Nozipho ategerete o ûu, aana bonthe ibakenaga bagîcethagîra rûûjîîne.

Bathambîraga bakîringaga gîtuma.

Bagandukanaîra bakeni mono rûûjîîne.

Nozipho arategeera bwega kaîrî, kûrî gîntû kîarî na mwanya. Khosi athambaîra kûraaja na aana bangî. Nozipho arakuîîria aratega kaîrî.

Amaki i kîrea onere, aramatûka ndeerea ekûrû baûragîra nguû rûtere rwa mûuro.

"Tethia! Khosi nagûtoonya rûûjîîne ndeene buru," Nozipho arauga mbu.

Ooreo, ng'ina o Sophie arathûngûtha atoonya rûûjîîne. Ndene buru, arathambîîra.

Aratoonya ndeene, agachoka îgûrû, agatonya ndeene kaîrî, agichoaga Khosi.

Aragwata Khosi njara arathambîra eetîte nderea rûûjî rûtîorokeri. Ng'ina o Sophie aracoka aramûkamata amuumaria oome e rûûjî.

Ng'ina o Sophie aroogîa akûrûka gîkundi kîa aana na ekûrû barea barîraga bakiugaga mbu.

Nozipho aramatûka nyuma yawe oogîi cibitari ntûûrene agwatîrîte Khosi mûgongo.

Au cibitarî ng'ina aracemania na mûtetheria o ndagitarî Noxolo ûrea wejîre oogîi gûtethia.

Mûtetheria Noxolo arajûkia Khosi na mpûî amûkûrûkia nyomba yaarî na ateetheria baangi baaramûtethia na mpûî.

"Akûbua! Twina munyaka atîkarîîre rûûjîîne kagiita gakanene nkûrûki!" Noxolo arauga.

Ng'ina o Sophie araurûka akîenaga.

Muntû wonthe cibitarî aramûkûngûîra ikûûmîîria na kûthambîra kwawe gûkûega.

"Kinyani ngûkena i kwonokia mwoyo," Ng'ina o Sophie arauga ainyiîtie.

Ntumîîri îrakinyîra cibû. Aratûmana ng'ina o Sophie etwa.

Arereithia cibu ûrea aere mûthambîri ûmwega.

"Turî aana, mucoore wakwa atûûraga mûkîra jwa mûuro. Rûûjî rwari gîcuncî kîa ûtûro bwetû. No mwanka tûrîmenya kûthambîra!" arauga.

Cibu areetana mûcemanio arabeera akanenkera ng'ina o Sophie kîewa ni uchamba bwawe.

Ekûrû baraugia nkemi, akûrû baraugia mîrûri, aana baragandûka na gîkeno. Kuuma ntukû îu, beendaga kûthingata ng'ina o Sophie bakiinaga, "Gûtirî gîntû gîntonga ndîna ng'ina o Sophie ûûmîrîtie rûtere rwakwa!"