Thakgalo i riîtwa rîkwoneria gîkeno.

Thakgalo i muntû ûtumagîra gîtî kîa magûrû jana.

Antû bao na acoore bamwendete mono.

Thakgalo eendete ndwîmbo.

Acoore bawe bendete kûmûcethera na kûmwinîra ndwîmbo.

Acoore bawe baragwatithania kînanda kîa ndwîmbo gîtîîne kîa Thakgalo.

Rîrea aringithagia ndemwe e kînanda gîtîîne, ndwîmbo iciinaga.

Thakgalo acitambûrûkagia na gûcetha agîcinagia gîtîîne.

Aciritanîre gûcetha wengwa, aracoka arambia gûcethera acoore bawe.

Ntukû îmwe acoore bawe baroona maciindando ja micetho e kuina jaarîrîtue ngathîtine.

Barooria ng'ina wa Thakgalo kethîra no abeetîkîrie kûmûtonyera macindanone.

Ng'ina wa Thakgalo areetîkîria.

Mucoore wa Thakgalo araromba ng'ina wawe thimu ajûkia mbica cia macindano.

Barajûkia Thakgalo mbica agîceethaga na kuina rwîmbo endete, aracoka aratûma mbica iu
maciindanone.

Thakgalo aracagûrwa eeta macindano.

Ntukû ya gûcindana îrakinya.

Thakgalo arekîra nguû înthongi.

Rîrea rwîmbo rwacetherwe, ararucetha bwega buru na gîkeno.

Antû kîûthûranone baragandûka riîtwa rîawe, "Thakgalo! Thakgalo!"

Ûûma, nîwe warî mûcethi ûmûnene wa ntukû îu.

Thakgalo aracinda na araewa iewa bibingî.