Mandu atûraga na jûjû bawe, mami mûkûrû, na baba mûkûrû. Nî ari na ngûkû, mbûri, ng'ondu na ngûrwe.

Ngûkû yakaraga kaugûne kanini. Mbûri, ng'ondu na ngûrwe baoganîri rûtere rûmwe rwa rûthingo. Jûjû ibaarî babega. Mami mûkûrû na baba mûkûrû ibatethagia na ngûgi.

Jaja ijagarûkîre mîaka nyumene. Jûjû ba Mandu barakûra na baîtîngîigua kana boona bwega.

Mami mûkûrû araajua na atîngîtethia kûthreria nyomba.

Baba mûkûrû amamaga magita jonthe na atatethagîria kûa nyomoo irio.

Nyomoo iciaringaga gîtuma mono nontû bwa mpara.

Nyomba yaari na rûko nontû mami mûkûrû atomba kûtheria.

Mandu anogaga îgita rîonthe. Etaga îgita rîonthe gûchoa irio bia muntû wonthe.

Mandu araremwa i kûûmîria ûntû bûu buru. Aroria jûjû bawe baakûrû ûrea akathithia. Atagûîrua nontû batingîmuigua.

Mami mûkûrû ajîîtue arauga, "Ûrea nkwenda i kûûmba kûmama ûtukû na gûûkîra rûkîîrî."

Baba mûkûrû mûthao arauga, "Endia nyomoo na ûgûrîre jûjû baku irio. Bakamama na batîgûcumbûra."

Mandu arathûra. Arauga, "Baba mûkûrû, nuijîî ntîûmba kwendia nyomoo. Ibu ûtonga bûrea akî ndîna bu."

ûtukû bûmwe Mandu araaga toro. Ararikana muntû umûûme ûrea etîkîtie no ethîrwe eena ûtethio kîrî thîna ciawe.

Mandu arajûkia nyomoo ciawe arariûngîra muntû ûmûûme. Araoga mburi, ng'ondu na ngûrwe na mûkanda arakamata ngûkû.

Mandu arakinya kwa muntû umûûme anogi na eena mpara.

Ekûmwereithia thîîna ciawe, muntu ûmûûme arauga, "Ngagûtethia îîndi no mwanka ûthithie ûrea nkuuga."

Mandu arachokia, "Nkathithia ûntû buutthe kûthiria thîîna ciawe."

Muntû ûmûûme arauga, "Tiga nyomoo aja na uchoke gwaku."

Mandu arauga, "Îndî inkarîîte na nyomoo ciakwa îgiita rîraaja. Ibu ûtonga akî ntigeerie."

Muntû ûmûûme arauga, "Ndakwîrîre no ngûtethia îndî no mwanka ûthithie ûrea nkuuga."

Mandu neendaga ûtethio kîrî thîîna yawe. Aratiga nyomoo ciawe na arachoka kwawe.

Nyomba yaawe nîekiri mono na întheri. Muntû wonthe naagaga nyomoo. Jûjû ba Mandu ibanung'unaga nontû batarî na îria rîa mbûri.

Baba mûkûrû arauga, "Tûrathînîre mono, antû bonthe abagûtûthekera."

Mandu araremwa igûkarania na mînung'uno kaîrî. Kinyawe naagaga nyomoo ciawe.

Aracoka kîrî muntû ûmûûme kûewa mataro. "Ûtûûro bûbû bûgûtwîka bwa mwanya ntîna nyomoo ciakwa nyomba. Antû betû kinyabo ibagûciaga mono."

Muntû ûmûûme arauga, "Ngagûtethia îndî no mwanka ûthithie ûrea ngûkûria. Aana uumagarie jûjû baaku gwaku."

Mandu arauga, "Natea mpûmba kûgîta ûu? Baba i jûjû baakwa na nîni bategeerete."

Mûthiene, Mandu aanîre arathithia ûrea ererîrwe. îndi atarî na thîrî.

Jûjû baawe batarî na kwa gwîta. Barathiûruka aau bakîgeragia ûrea batîringana na into. Baigagua mûrutîra mûthenya na mpio ûtukû.

Mami mûkûrû ararîra, "Ûkangera oome!"

Baba mûkûrû mûthao ararîra, "Ûkangera oome kinyani!"

Mandu araremwa buru. Arachoka kîrî muntû ûmûûme atukanîri na athûûri.

Ararîra akiugaga, "Mantu jaja jakuingîîra muntû ûmwe. Mpa ûtethio bûbwega."

Muntû ûmûûme arauga, "Ka, jûkia nyomoo ciaku ûchokie nja na ûchokie jûjû baaku nyomba."

Mandu arathithia ûrea erîrwe. Mami mûkûrû arauga, "Nkatheria nyomba."

Baba mûkûrû aratiga kûa mûthao na aratetheria Mandu na ngûgi. Barakenanîra kaîri bonthe