Iye ti cang ki kwen miki izwe utur taba ti msa be.

A sha kwab uwog patak amaa a shanum.

They looked everywhere but found none.

A funtso sha uwog ti ruye wae ira wu. Patag izwe utur ruba ti fun wu amaa Iswae ruba be.


Iswae ri na "Ami kyang mang ruba ti fun te nung arwa Cwinkyaen"?

Yi uwog ti fun, izwe tur ba cwe na ana mum rija.

Itxong ri na "Rija nati si ti rong ti yaen. Ye ti uwa mun, ati shanum ti msa cucwo be".

Aba yang kyang , se ise iye ta mum rija tetso.

Msa mbup yi iben tso ruba mun ki rija wu.

Aba mbub wae. Aba mbwa fob a msa ra do mi be.

Isir ki, izwe utur ba nungye na nde ki na pu imunn yi waena msa wu, numbe wu.

A fi tso kir wu.

Isir ki, wande ti kir ta uwog Usung. Iswae kyang ruba ti icang ra ta nzwae.

"Iyang ti abi nde ke?" Iswae rang.


"Mi kir msa nati" Usung cwe.

Iswae ri te Usung nan de uru te wu.

Uru wu ma si ti a yir unde ti icang, awu cwinki ayib na wu pwen kae ambub.

Usung cwe ti wu nde uru wu.

Iswae yir Usung ra ye ti pwen.

Iswae ngwa msa rija ma pu imunn.

Awu ki msa, iye ki wu ru ya Usung ta pwen kang.

Usung pwen yean ma mbupta yip na wu.

Iswae ta nang cucwo be.

Usung tso ukunn na izwe utur ti tsi tsi ti aba saen wu.

Izwe utur ba ya we kir rija wu amaa patag naba ye fo ba Iswae be.

Cwinkyaen ri na "Me kir uwog". Awu paen si wae msa ti wu somji Iswae.

Iye ti Iswae ruba ye, awu tang ti wae wu, "nde ki ta yi ke be". Awu ku ngwa.


Awu fxen kang ki ye ujae nawu ama shir wu si uwae msa.


Izwe utur ta tsi tsi ter ruba iye ti a fxen Iswae jub rae ta saen.

Izwe utur ba yir Iswae ti icang.


Cwinkyaen ri te Iswae, "abi nde patag nati kang ti tibi. Ati shir abi utong". Izwe utur teb Cwinkyaen na awu na si ukam naba.


Ye isir ni ru uwe, aba fo biya msa ti saen kyak yi wae jimshwur.