Nomsa o be a rata go etela koko ka maikhutšo a paseka efela selemong se, se sengwe se be se fošagetše.

Merogo ya koko kamoka e be e hwa.

Di tamati di be di le tše sehla.

Merogo e fetogile serolwane le mafela a go tia a be a bonala a lapile.

"Pompo yaka e robegile. Ga ke kgone go rwala meetse a boima go iša ka serapeng," gwa realo koko ka manyami.

Bošegong bjoo Nomsa o kwele leratadima le duma.

O ile a tlela ke kgopolo tsoko ya go kgoboketša dipakete le ditšhelo mmogo ngwakong wa koko.

Mesong ye e latelago, maru a lefsifsi a ile a kgobokana.

"Go tlona pula!" gwa goeletša Nomsa.

O ile a phakiša a beeletša di pakete tša meetse ka ntle.

Pula ya na! Di pakete tša tlala fii! Ka meetse a go hlweka.

Nomsa le koko ba ile ba bina ka gare ga pula ka lethabo.

Letšatši le le latelago, ba ile ba rwala meetse a pula go iša ka serapeng.

Ba ile ba nošetša merogo kamoka, ba bolela le ona ka boleta ka ge koko a mo rutile.

Matšatši a mmalwa fela serapa se be se le se se tala morogo gape.

Merogo e ile ya gola ka maatla le bophelo bjo bo botse letšatšing la Afrika Borwa.

"O phološitše serapa sa rena," gwa realo koko.

"Aowa koko re se phološitše mmogo," gwa araba Nomsa a myemyela.

Nomsa o ile a topa tamati ya go butšwa ka lethabo.

Thuto e bonolo ya go seketša meetse:
Tswalela di pompo tša go elela meetse.
Kgobokanya meetse a pula.
O seke wa tlogela pompo ya gago e bulegile ge o hlapa meno.