I Mandu dee yi otsikyon beyi onikyon. Oshatson ongyaa yi ongyulo osubu onogbi, undo, mmala beyi, obyio.

Onogbi ma la mi imbe ngwi a kye ashi deewo ogyoogyo. Undo na yi mmala beyi obyia yo, a gbe me shake agya ewishu.

Otsikyon yi onikyon Ka le krolo. Emi oshakyon ongyulo yi ogyaa ti to byi mi ido.

Ngwi onova wa gbleke ne ungwone nyine.

Emi otsikyon yi onikyon i Mandu kye di li fwo hona di saan wuba.

Oshatson li nuna alono, o di tobyi obyi i fyungwo embwa wuba.

Mmbwaba ntona lu wulu adze kpakpa ikyena embwa doma.

Ozu ha ndu kpakpa ikyekye oshatson fyian ba.

I Mandu li nde alom duu. O li tase ali egbe oka pata ungwogye ikye ama duu.

I Mandu wa yagba oshitukwu yi imbioo na wuba. O byi emi otsikyon yi onikyon ama okwulewo ntona ofe otobyi.

Itukwu kpan ba ikyekye ama omban okwukwo fwo ba.

Oshatson ongyaa ngwu ewozoola na gbee, "Ungwo ngwi nina ani yo, li oyagbe mma mi otu dikye egbegbe."

Oshatson okwulo na gbee, "gbe mmbwaba ntone gya, ungwogye nee otsikyo abu ye" onikyo abu.

A Ka nuna ma nyao kaka abu ewou iMandu kyo itinga. O gbee, "oshatso, abu ye dafi ani ka kye mmbwaba ntone gya gya ba nnani. A li aludu ngwi ani suhun taani."

hey will sleep and won't bother you."

Mandu was angry. He said, "Uncle, you know that I cannot sell the animals. They are the only wealth I have."

Otu oka ne i Mandu la asisa, o we inggise oyedze ngwu li ngyelu ali okakewo duu.

I Mandu gbelu ifyungwo mgban ke mbi ongyulo oyodee nani. O kye odi tse undoyi nimala yi obyia di kye ogbi byabo.

I Mandu ka to ude inggise oyodee na, ndengye yi embwa.

O ngwi o nye inggise oyodze na okakewo mgban ngye ne, inggise oyodze na gbee, "N ka tobyi abu, kpa o ka kyodafi gbo ma kyome."

I Mandu gbogbee, "N ka kyo ahungwo duu ongyelu okakwo mgban."

Inggise oyodze na gbee, "Dzata mmbwaba ntone mene, di yelu ude mgbi abu."

I Mandu gbigbee, "kpa ani dze yi ifyon gwo ntona ono she. A li aludu ani suhum ta aani."

Inggise oyodze na gbee, "Ani nya abu gbee nka tobyi abu, kpa abakakyo dati ani gbo ma kyeme."

I kwokyi i Mandu yi ongyulo okakewo mgban. Odzata mmbwaba mgban yelu ude.

Ude mgban dede di la ke ayayi. Iwe ifyungwo ntona kwu ali inggise duu. Ama omba i Mandu okwukwo fyewo ikyekye a tu enabe mbi undo ba.

Oshatson ongyulo gbee, "Eyi tundze yiwadze ali inggise to le sha eyi isha.

I Mandu yagba shitukwu yi ono ofyiafya ntona wuba. Lubana, ongwu kpa iwe kwun ikye mmbwaba ba ntonani.

O ye ke mbi inggise oyodze ndikye ne we ongwu odee.

"Oshishe Nye i dzidza, om ngwi mmbwaba ntona to ude wuba nemi. Ewe kwu emi oden jo mgwasha ba."

Inggise oyodze na gbee, "N ka tobyi abu kpa abu ka kyo dafi ani nya abu nani. Lu ude ka kyelu otsityabu yi onikyabu tase dzata ude."

I Mandu gbee, "kyosine ngwi ani ka kyo nghan. A li ama omba ani okwukwu a di byito abo ani.

Mi owa ngyeengye yo, iMandu lu ude Ka kyo dafi ngwi a nyan mani.

O yama tu itukwunyu ba. Ama omban okwukwo sulu imbe ngwi a ka ke ba.

A le ga kye, le fya ni ama wa tsa yi unka ba, ewo li dzamaola mi Uno, ofu li yi ma mi otu.

Oshatson ngwu kpan mi ewo ba na makwo gbee, "ka kye ani ngwuta ba!

Oshatson okwulo makwo gbee, "Ka kye ani ngwuta ba!"

IMandu yama gbele wuba. O yelu mbi inngise oyodze na yi ende beyi itinga.

O makwo gbee, ungwone ngha inggise onyi mmya. Nin ewodze ngwi tatase ngha ongwuneni.

He cried saying, "This is too much for one person. Give me a better solution."

Inggise oyodze na gbee, "mmbwaba mgbi abu tona, gbe ma lu di ka yile otsikyo abu yi onikyo abu luba ude.