Tugbe - tugbe ma, mmbwo she wuba.

A ndime kpatse duu, kpaa tu nkonyi ba.

A kwakye ikye opata ofe mi ikye okwakwa mgbi oma nemi. Ali mmbwaba dina ba, sede obwoshe.

Obwoshe gbee, "ka kyosine se nghvi ani ka kaka okuse kye yi, ikinabo onukwo ewe?"

Mi nwakye ma, mmbwaba dum gbela o to ibuga.

Mmbya gbee, "ibuga mgbi eyi ka ke di tsee. Ni iwa mmbwo yo eni ka yama kweyioba wuba."

A le sheshi di le shufwe ou o ngwiale kaka ibu le to ungbungba nani.

A tsatsa kpakpa, a yama kye eni asaan glelele itone gbondu ye be.

Tama, egbe oka ne, mmbaraba ntona difwi dafi inggise se oka le shuwo mi emi nan le non ndulu.

A le dikye ishawe ongyo ibu nani.

Ngwi dikye ishawe ongyo ibuga ne obwoshe wa kuka yi odi oleele mngban.

"Obwoshe byita gbee, " ti ekye ngwi abu lo oyo mmsaklo?"
"Ishawa nu nika gbee alo ngyo eni mgbi eyi."

Obwoshe gbo afi i ishawa gbee no lele yi ongwu.

Ole mayo, inggise oka ka kyo oku bwa beke ekwo yi odi oka yilo i me tukwu ni agbo to idubu.

Ishawe gbele oleele.

Obwoshe kye ishawe bwa beke, no kye i ne tukwu, man wita ogbo.

Obwoshe wa eni mi ibu na di shuwo ni ele.


O no nye gwee ma, obwoshe kwo eni ma hi. Ishawe ka le gbo umbwo.

Ishawe teela mmbwaba angbeka wa shelu ongwu.

Mmbwaba ntona kiyayi ongyo ibu na mmgbuumgba, kpa onyi yagbe obwa obwoshe ba.

Ikinabo gbee, "detsese min kwasisa ngyo." Ongwa woke ibu ikye ofe obwoshe.

Ngwi obwoshe we to ne, "o tsewe gbee, "inggise onyi Dee mmene ba!" O wita owa eni.


I dzan dafi ungwo lan aba mi ide nani. Man, le kwon mi i teni!

Ngwi obwoshe le makwo gyeni pasha - pasha nema, mmbaba angbeka wulu onya wa yaske.

Mmbwaba ntona kye obwoshe shadi. Ikinabo nya obwoshe gbee, "Abu kyo eyi duu tse ikinabo gbee, o li inggise onghangha ngbi ama.

Kye egbe na jo, a wita owa eni osaan, yi okakwo ba.