Come ni Mbwa ali pa ujakwe wambone.

Ŵakamulene kuti ŵajendele ajawo, Kakuku pa lisiku lyawo lyakupagwa.

Kakuku ŵatamaga musi wine. Yajigalaga masiku gaŵili kuti akayice.

Come ni Mbwa ŵakwete ndamo syakulekangana mnope.

Mbwa janonyelaga kulya ni kugona nambo soni jaliji jagulugusya ndaŵi sine.

Come caliji cacanasa, cakupeleka nambo soi cakudalilika.

Jemanjaji ŵapite kwa Mbwa kuti akakosecele ulendo wawo.

"Une cinjiyika ni yakulya ya lisiku lyandanda," jalipelece Mbwa.

"Cinjiyika ni yakulya ya lisiku lyaŵili," catite myo Come.

Ŵalembile pacipepala yosope kuti akaliŵalila.

"Yiciŵa yakusangalasya kwawona Kakuku sampano.
Papitile ndaŵi jelewu cawonele ajetuwo," Mbwa jatite myo ali mkucipecesya Come kumangwawo.

"Sikomo pakumbecesya kumangwetu," Come catite myo kwa Mbwa.

Ŵasimene kumasikusiku lisiku lyakuyicisya kuti atande ulendo wawo.

Ŵajimbaga ni kuŵina mwakusengwa ali mwitala.

Pakupita kwa kandaŵi panondi, ŵatemi pasi pacitela cekulungwa kuti apumulile. "Jingwete sala! Kwende tulye," ŵatite myo Come.

Mbwa japakwile mwacitemacitema yakulya mu mbale siŵili. Yakulyayo yaliji yamesimesipe nambo soni yena mawuta gejinji

Come cawusisye, "Ana yeleyi ni yakulya yamwajigele kuti tulye ŵaŵiliwe?"

Come capile mtima ligongo ajawowo nganajigala yakulya yaŵakamulene kuti cajigale. Nganicilya yakulya ya Mbwa.

"Ana mkulindilila cici?" Mbwa jawusisye. Mwanjawo ŵajembeceyaga kuti Come cicilece kunyinyilika ni kutanda kulya.

Mwakutumbila, Come cawusisye, "Ligongo cici mjigele yakulya yamkusayinonyela mmwejope?"

Mbwa jalyaga mwacitema mwamti mbale jakulupwice.

Yakulya yosope ya Mbwa yajasicile pasi.

"Mkadandawula mjangu," Come catite myo

Come cakopwesye buledi jwakusala mnope. Ŵatandite kulya.

Mbwa jalolite yakulya ya come mwakugalila.

Pacamalisisye come kulya, calongenye yindu yakwe ni kujisalila Mbwa, "Mpaka tupitilisye ulendo wetu?"

Ŵaŵiliŵa nganaŵecetana ulendo wosope. M'matumbo mwa Mbwa mwatandite kulila ligongo lya sala.

Cele ciloco, Come calile yakulya yakwe jika ni kugona cili mkusangalala kuti cajigele yakulya yakwanila.

Come cagonile ni sala.

Kundaŵi, Come calile yakulya yakundaŵi. Mbwa jagambaga galila yakulya ya Come.

Come capele Mbwa yakulya.

Mbwa jatite, "Mungululucile, natesile yakulikonda."

Come cajanjile, "Kwende tulile pamo."

Ŵatemi pasi kuti alye.

Paŵapitilisyaga ulendo wawo, ujakwe watandile soni!

Ŵayice kunyumba ja Kakuku mundaŵi jambone.
"Mjesile uli acimjangu?" Kakuku ŵawusisye

Aku ali mkusecelelana, Come ni Mbwa ŵajanjile, "Tujesile cenene."

Caliji cindimba cakumbucila lisiku cakusangalasya mnope.

Ŵalile, kwimba ni kuŵina!