I Tom ti ko idu ka kye agbugbo onnima.

I Tom ti ko idu ka kye agbugbo gya.

Inggise mi idu tote gye owawe kwa.

Onyi kpa le gya agbugbo mgbi i Tom ba.

Li nghao kpa ma ogye. Owa we kwo mgbi engyaa.

Inggise li gbee, "Mi ayese mgbi eyi ne, li engyaa kyon li kye owawekwo gya."

Inggise li byita gbee, "Nene li ali ito ongyulo."

Kpa i Tom nya ba. O ti kwu ela gbee, "Gya agbugbo mgbi ani! Gya agbugbo mgbi ani enye mye ofyu - fya!"

Ongyaa oka dulu aye agbugbo mi akpete.

Ongyaa na gya agbugbo mgbi ntonani.

Inggise angbeka kpaa ba imbe ninnya nani.

A gya agbugbo mngbi i Tom ntona gye.

Labolabo nema akpete la ke.

I Tom kyi gbolu u dza ngwi ongwu tu nani.

Nema i Tom gya uvu, yi isoga beyi ibredi.

O gbe ungwo ntona ya one akpete mngban.

I Tom kye akpete na deke ikye man si lu ude.