Document

Vilìmbìy vee wónéé lem rán

Ruth Asuquo

A yì-iì dzə̀ Lumbazi wàa dzə kirə́' ke juŋ ki, yii bèy, shweésí vəə́ nen bìr e dzə̀m vinyo vinyo.

Vimbvə́' ve abótìr ví-ii néŋ fo e dzə̀m. Vinsàʼ ve apépà vi-iì néŋ dzə́ə sidzə̀m, a virə́ʼ ví rəm rə̀mèn ji fə̀ŋ.

Wónlèé lo á nèn a lemkír e vimbvə' ve abótìr.

Shwéri lóo shaà apépàa wàa feŋ a barsín e vici wùn à é vitu ve lav.

Vinyo vìn vi nen yii la wíri yo' a dù ghan é Lumbazi.

Wáa dzə e kishiíy kímó' kí, Chike gháy kinyo kímó' kí wùn à ŋkar sə́ sí. Chike və̀n-eè dzə̀ kiyá bvə̀'ə̀.

"A dzə̀ vèsən tàtí e nàŋsín virə́' vesən ví wàa ran. Vèsən yer virə́ʼ, e tàyrí vimbvə́' ve abótìr. Á taʼ ŋkaà se dòtí e tìtí e laʼ si wùn ǎ dzəə sí."

Chike wáa dzə̀sì a suúy jii, "Kin ki lo e sə vèsən aá wáa dzə e mvə̀m ran. Kí lo sa a tuʼtí wír ámó'ó aá wáa wíy a ghan vèsən."

A wù yóʼ ne màysì sùŋnín, Obi nèn sùúy jii, "M lo e lì ghán e tayrí vimbvə́' ve abótìr, e dù e màʼày fo yò' dzə̀ ví kfə̀n fò vèsən kileémé."

Felix suúy kfə́ jii, "M lo e wìy e kindzə̀n ke pókír ki fo mo laʼ é vèsən wáa yusí ji ŋkaà dòtí."

Áwune nen tàtí a yii lim kishiíy kidzə̀m.

Kè' fo ghan fóo fèy, Lumbazi nèn a dzə kirə́' ke juŋ ki fo dzə̀ wìr dzə̀m wàa dzə fo kitávín là yàsí.

You are free to download, copy, translate or adapt this story and use the illustrations as long as you attribute in the following way:

Vilìmbìy vee wónéé lem rán

Author - Ruth Asuquo, Gideon Eyo
Translation - Beatrice Tafon Takeh and Mbinkar Emmanuel Keelen
Illustration -
Language - Lámnsoʼ
Level - Longer paragraphs