Onyi onyang ohe juwa ki wuru nya i Matodzi.

I Matodzi kwu epwu nya epweji bala inamwu opyehi.

Enuturu okpokpo le, ini Matodzi a doo eru kiiga nya onyinina nyi inamwu onyang epweji okila ee.

Inamwu kpoo itiya nyori, "Ugbeyi ole ka ahi ka bwu enenu wee owa a ka bwu lee."

Ugbeyi ole ka i Maṱodzi je ene ileyi wee, oowa o bwu kaka ya erwu oowa le.

Uka ko juwa nya le, o wo omi ohe kwii ee, "Chuchu dam ubwo mee."

I Maṱodzi chi ehi dokoko ju le, oye onyang ohe nune nuwa ugbeyi ee.

Oda oru chi onyang owe le, o too wo ee, "Iye ti ka nune nuwa igewe?"

Onyang owe a we byoo yekee, "Inyiyo chim pyepye, m'jwu eduru, epwa nyam myimyi luru hi igele."

Onyang owe la i Maṱodzi eerwerwa.

O bi onyang owe yekee, "M ka kpang ka epwa nyam le chaji o ju chwee."

I Maṱodzi a ya ubwo choo wuleji ee ijediye la wule dumwo gbee kii pwu epwa.

I Maṱodzi inamwu ogbahi kpa ehi riri onyang owe gbee ko la ogogo.

Onyang owe jaa obe ohoho nya ilehilehi nyo kpa ehi riroo.

Oji i Maṱodzi obe nya ilehilehi nyo la okiletu bala okpa ehi riri.

Onyang owe bi i Maṱodzi bala ugbiyegwu nyamu yekee, "Mka nee da eyeri hi ang ole kanu ho ham we enenehe kaka."

Eneturu ohata le, obyaa ee, anu ya we, any imiye iina mti ka ho hanu.

Uka ka eneturu ita ho kam le, i Maṱodzi, inamwu bala inamwu ogbahi a ya ang imiye ile ki to ee.

Ohohehohe ri, oka la epwa ohuhyi yeeyee.

Oheye ri oka la ipinu ba epwa ba chaji ki ka je luru ene ki ka mwu iwu ka.

Ang ile ki bile wee, iwe ka ho jira jabwo ka onyang ole ya.

I Maṱodzi bala alepwa nyamu kwu lokekeni e-pwa nyaa nyewe uuwa ikika nya ipinu.