Pan cieŋ Ebei thin' e lɔŋic turuom tok.

Ku turumbil ken yeen e dit apɛi ku ye maŋok. Yen aya e kɔc tieŋ ye rol.

Aci man Ebei lueel kala, "Na ye nhiak ariɛl ke ɣok abi lɔ geeu. Alɛth kun pan piooc abuk la ɣɔɔc."

Go Ebei puou jal miɛt apɛi. Ee rin bi kek ciath turumbil diit maŋok.

Wɛt kene ace pɛn nyin nin.

Na la man bɛn ɣɔn nhiak ke bi bɛn puoc, ke yok Ebei ke ci ruk alathke.

Go Ebei kek man jal bik la ta ye turumbil kɔɔc thin. Kek ke dhie aci turum jal tit.

Ke turum ekec bɛn.

Kɔc kɔk aya ake ci bɛn tɔ wen ye turumbil kɔɔc thin.

Go ka gɔth erin ci turumbil gaau. Ku ye ka jal thiec, "Turumbil ako?"

Ka Ebei eci diɛɛr dom. "Ku jɔl alueel eciet ok bi la geeu la," yen ake ye takic. "ɣɛɛn guop alɛth cien pan piooc aca bi yok."

Kɔc abɛk ake ci puoth bath ku dhuk ka bɛɛi yic. Go Ebei dhiau. Ku kueec ke jiel yen.

Go man lueel, "ɣok abi tit amaath."

Kaam thin Wen, ke piŋ ka rol. Ku tiŋ ka ke ci gir piic.

Turumbil aci bɛn!

Turumbil ken ace maŋok. Yeen aya aci dit apɛi. Yeen a malual kua koor.

Go kɔc kuec ke le kek turumbil ic.

Go raan kuath turumbil coot, "Bak ka! Bak ka!" ɣok aci gaau apɛi yakol, "Ku ŋuɔt cot."

Go ya Ebei kek man kek kɔŋ la thin.

Go raan eben mioot thin turumbil thin malual wen yic.

Go Ebei ye nyin luaŋ aluitic bi dai alɔŋ ɣer.

Go kɔc juaac tiŋ tawen ye turumbil kɔɔc thin.

Kɔc kɔk aci jal akat turumbil cok ku ye ka wic bik dɔm.

Ku kek ake ci gaau. Ku turumbil ke ci thiaŋ. Yeen aci jal bi la geeu.

"Na turumbildiit maŋok dhie tɔ ŋo yic?" aci man' Ebei jal thiec.

Go raan turumbil kuath bɛɛr, "Aci duɔny, ku ɣok alui thin. Abi bɛn nhiak."

Ebei acin kede ke kit turumbil. Yeen aya acin kede ke dit turumbil wala kuoorde.

Keden wic ee ke be yath geeu!