Wathɛɛr, monytui eye miluɔi ku ye pur apɛi.

Tiɛŋde aya eye luui, ku watke ka rou.

Cɛm eye tɔ ke dit tene kek erin yeen ku tiɛŋde alui apɛi.

Ku yeen eye wic bi miethke laŋ pir pɛth. Kek ake ci ye puol bik ya luui.

Kek aci jal rer, nawen ke tiɛŋde jɔl guɔ riaak.

Go ŋuɔt ye kuec keye miethke luui.

Ku jɔl ya pur ye rot ku lui loi loi thii baai ye rot.

Aci jal ceŋ thin kaya, nawen ke jɔl ya raan ci dhiɔp ku dɔm tuany aya.

Ku jɔl ya takic ke ci yic ŋɛɛr ta bi miethke lɔk gut ta le yen a raan ci nyin jal pinynhom. Erin cin yen ta bi kek rot lɔk kuony thin tɛ liu yen.

Na ɣɔn akoltok go watke jal cɔɔl.

Ku lueel, "Ke ba nyiaŋ week aluŋ milaŋ ku yeen aca thiaan domic. Ka yeen, kene ajɔl ya wɛtdun week ku na bak dom puur ka ke yen abi wek ye yok."

Na le tak ke jɔl kɔc ken akeu nhom cɔɔl ku lueel, "ɣɛn aci thiɔk ke thou. Ku watkie akuc tɛ bi kek rot lɔk muok thin. Awiec ba ke thɔn wek bak nyin lɔk tir kek agut akol bi kek rot ŋic."

Nawen aci nyin jal, ke kɔc akeu nhom lok watke ya muuɔc cɛm kaam ciekic.

Wɛtken ka e cik wic ku bi milaŋ ci wunden thɔn kek lɔk nyiai raandɛt.

Aci keyiic jal mat ku yeke pur.

Ku jɔl ka dom ya puur guop cit yom, ku ben ka la dom dɛɛt erin wic kek milaŋ bik yok.

Go wɛn tok jal thiec, "Ye ciet ɣo ci wa math nyin?"

Go wen dɛɛt bɛr ku lueel, "Ace kaya, aya tak ken ye wa lueel e wɛt ku buk ya pur ku puor yen a milaŋ. Ku na ye ku pur, ku pith ku wal ta wen cuk puur ke ɣok ayok jiɛɛk."

Ka ke cit kɔc kɔk pur aya, go ka pinydit tet jal puur.

Ku jɔl ke rap cɔl gama pur kedit go ka jiɛɛk yok thin.