Baai alaŋda eci karac rot looi thin.

Ok aɣo ye ɣo nhiim kut war tok nhom bi ɣok piu ya gem thin.

ɣok aɣo ye tit cam kuony tene kɔc kɔk.

ɣoot kuan nin acool ka ke guor thook e rin ye cuɛr kaŋ kual.

Mith juec ake ci jal gaatic alɔŋ piooc.

Nyir thii biem ake ye la yiɔp loi loi baai alɔŋda.

Mith dhak ake ye cath yɔɔm bɛɛi yic.

Kɔk ake ye la lui dum iic.

Na ci yom dittet jɔt, ke kuat athor ci riak aye yom thɔɔc raak kua kɔɔth.

Kuat ke ci ya kuɛm aye ku cuat piny pɛth.

Ku kek ka a kɔc tɛm cok.

Na ɣɔn akoltok, go war yic thok.

Ku tony ake cin yic piu aya.

Go wa jal cath bɛɛi yic eben bi ya la pɛn ku le pɛn.

Ku jɔl raan eben lɛk bik bɛn amat nhom yic.

Go raan eben ye nhom jal mat tim cok bik wɛt bɛn piŋ.

Go wa rot jal jat nhial.

Ku lueel, "Ok eben dhil ku rot mat ku buk ka jor ok dhiɛl a looi."

Ku mɛnh ecɔl Juma la run kabɛt, eci nyuk tuŋ tim kɔu.

Go jal jam, "Ku lueel kuony die abi ya kutkut piny."

Go tiɛŋ tok lueel, "Diaar eben amɛt rot kek ɣɛɛn ku buk cɛm ya puur."

Go mony dɛɛt rot jat nhial ku lueel, "Ror eben abi yith wec."

Go ku jal coot rɔl tok ɣo ben, "Ku lueel ku pierda adhil ku waar."

Akol waar kene yen aci ɣok rot mat ku ye ku jal luui tok ka kuan jor ɣok.