I Thakgalo li atsa.

I Thakgalo li inggise nli kyo oyabo itse otuutu.

Etsu mgban yi emi okan din kpitikwu saan.

Ungwo ogboogbo kpa i Thakgalo.

Li kpa emi okan ole gbo ungwo di shufuwe no di.

Emi okan kye ungwo onu ashi gbela fwunfye woke itse otuutu mgbi i Thakgalo.

Non kye abo gnome ongungwo mi agya itse oka ma, ashi li shi.

I Thakgalo li kyi nalu ewo ma wita oshufwe mi ifu itse otuutu nani, okpayi ifwo oshiishi abuon.

Ma wita oshufwe yi emi okan.

Egbe oka ne, ani okan di a bo oga mgbi ayayi ifwe mi afe onu ola.

A byi onon gbee, ni ama kye uyi mgban kaka oya ayayi nani.

Ono i Thakgalo gbela.

Emi oka i Thakgalo gbe ogwa mgbi onon ikye oka gbe ayayi ifwe nani.

A gbe ifwe ngwi i Thakgalo shi mi ashi nnghao kpan nani.

Man a kye deso lu mi imbe o ga mani, A sadu i Thakgalo one oga nani!

Egbe odayayi ma gyo.

I Thakgalo wo angwufo ofufe okwiine.

Ngwi a gbo ungwo ne, o tsili ewo tishi yi atsa.

Inggise ama odi ifwe tsan iyi mi ela okwukwo gbee, "I Thakgalo! I Thakgalo!"

Mi otsitsi, li ongwu ngha yi ifwe mi ogbe nani.

I Thakgalo ayayi na yi umba kwuba.