Document

Ntaʼkar wo Thakgalo a yòv kum fo fo

Diana Tebeila

Nsàv yìr yee Thakgalo dzə̀ ji kishé'rì.

Thakgalo dzə̀ wír a wù yii yúsi nta'kar.

Kfəə́ rə́ wùn à ŋkar sə́ sí kòŋ wun e ŋàŋ.

Thakgalo kòŋ yòv wo kumèn.

Ŋkar sə́ sí kòŋ kidzén, e kfə̀n kòŋ máa kùm yòv e wù wáa yuurí.

Ŋkar sə́ sí nen lò e wày lúŋ e Thakgalo nta'kar fèy.

Wù kum mba' fo mbìv ntaʼ yìmo', lúŋé nèn a kùm.

Lúŋé lóo kùm fo ntaʼ bèy, Thakgalo nèn a yuurí, a cèŋ, a nàsì virə́ʼ və́.

Wù-uù merìr kidzə́n fo wun kitu, e nèn lò e kè' a cèŋ wùn à ŋkar sə́ sí.

Wáa dzə e kishiíy kímó' kí ŋkar sə́ sí yén kimbi ke kinsènín ké kidzə́n, e pépà wo sá'ka.

Áwune dzér e yìy à-Thakgalo ji á sa sàŋ yír rə́ fo kinsènín fen a.

Yìy à-Thakgalo biímé.

Ŋkar seThakgalo si foò búbúʼ kisuŋnìn wo yè wov ji á du a koo a vindzəə̀ndzəm sho é ghan sé kinsènín.

Áwune koó kindzəə̀ndzə̀m ke Thakgalo a wù ceŋ luŋ və́ wo wù kòŋèn é ŋàŋ, e nèn tsə̀nsí fo kinsènín.

Á nèn shò' Thakgalo ji wù wiy dù a fo kinsènín fey!

Kishiíy ké kinsènín kí gheén.

Thakgalo máʼ ndzə̀y sə́ se fíy si a sí kiʼ bèn sijuŋ.

Lúŋé lòo kùm wù waa sə' ceŋ e wúné wùn à viwìr vi shó, a wúné boŋ wun.

Wír ve vé-ee dzəə̀n fó si-ii wáa rəəmé yír rə́ jii, "Thakgalo! Thakgalo!"

Rú wùn à rú, yii dzə̀ wun njàn kidzən woó kishiíy foo fèy.

Thakgalo nèn sò kinsènín kee shooy, e kfə̀n kòóy vilaámé vighá'án.

You are free to download, copy, translate or adapt this story and use the illustrations as long as you attribute in the following way:

Ntaʼkar wo Thakgalo a yòv kum fo fo

Author - Diana Tebeila
Translation - Beatrice Tafon Takeh and Mbinkar Emmanuel Keelen
Illustration - Diana Tebeila
Language - Lámnsoʼ
Level - Longer paragraphs