Document

Màmé Sophie woo ntav

Thandiwe Dlodlo

Simon Mokoena

Wáa dzə e kishiíy kímó' kí e bìŋ, lume ghá'tí, Khosi wáa yayáŋ, a koʼ a səy, nèn lò a ghay ji bo wun sà kì yèe le a?

Yèwov-iì lòo dù e kwa', e màʼtì wun fo laʼ.

Khosi nèn kù a ghay wún və́ jii, "Mo-óò yée e wún wómé."

Kwa'tì yímó'ó nèn kù wìy é wun vifii.

Khosi nèn rə̀m jii, "A kì dzə̀ m dù a la' ndzə́v, yii bèy a dzə̀ dù vèr la?"

Ku ghan fóo fèy, Mame Sophie nèn a shaà a dù ̀ e ndzəv. Wù-uù bè' lúm ŋkaà é ndzə̀y sí shó si rúnén.

Khosi suúy é kitú kfə́ kí jii, "M lo e jùmrì Màmé Sophie e dù e ndzəv!"

Khosi dzə́r jii, "Kii wò, a dzə̀ m jùmrì wò e du e ndzəv a?" Màmé Sophie ŋwè' shé' e mè' kitú.

Áwune lòo dù Nazipho nen jùmrì fo bàm. Nazipho-oò bàn ndzə́v ye la'áné, yii bèy a wù koŋ a leéy mo wíri lá'á.

Á meé é ndzə́v, Khosi yóŋ é kitú kfə́ kí jii, "Lán dzə̀ a m yò' lo la' ndzə́v moo wánlè wo terí bèy! M lo dìn e wìr dzə̀m ji a dzə̀ m la' á ndzə́v fo yí shoon."

Wù líy shèm é ndzəv ji ncǔm!

À Nazipho tíy kwa'da leeyì.

Nazipho-oò leey mo wónlèé lá' ndzə́v, yú vijuŋ.

Vé-eè lá' ndzə́v bèy yii njè'èr feyì.

Vé-eè wámnine, yú vijuŋ é mvə̀m ndzəv.

Nazipho lòo way si kijuŋ, e nèn yèn ji kinyo ki waà kooyì. Wù yèn a Khosi la' ndzə́v du kwa'da fo wón ámó'ó. Nazipho kó'tí dù e kfə̀n lèéy kijuŋ.

Kindzə́m kí gwàr wun, wù lé' e dù yèn vikìy ve á kì su ndzə̀y é ghaa ndzəv.

Wù rəə́mé jii, "Wír a e mǒ wun! Khosi sí léŋé."

Kù kàŋ mòʼón, Màmé Sophie líy shèm é ndzəv, e là' láʼán e sə̀y fó ròŋ.

Wù lá' tó e sar ndzəv, wù ko', e kfə̀n tò é sar ndzəv, kù tà' ji wun sà-áà yén Khosi a?

Wù nèn yèn e bàm fó kóy e sə̀ŋ e wìy sho fo meshavtí, e nèn shùr Khosi e fəə̀ shó fo ndzəv.

Màmé Sophie báʼár vikìy wùn à wónlě ve véè rəə́me tóŋe báʼarsin.

Màmé Sophie nèn baàrí khosi e wun ndzə̀m a nyeŋ a du sho e laʼ shìv. Nazipho wáa jùmrì wun fo bàm.

Á wáa meé é la' shìv, nor woo Noxolo nèn lèʼ wìy ji wun sə́ a Màmé Sophie.

Nor woo Noxolo li Khosi cér cér e nə̀ə́ sho é mvə̀m lav, ámó' vee anori sə́ wun.

Nor woo Noxolo yoŋ jii, " Wù dzə̀ kijuŋ. Vèsən kér vishí vé juŋ vi ji wù yo' dzə̀'ə̀m a e sar ndzəv ntàm."

Mame Sophie yóy.

Wír dzə̀m veé lav shìv-éè búrí wun fo shiliv she távín shí wùnà merìr yee kùm ndzə́ví.

Mame Sophie yóŋ jii, "M kér kishé'rì ji m lùŋèr a wír."

Fon yú sá'ka və̀n, e tsə̀nsí nshìylav ji yì toóy á Mame Sophie.

Mame Sophie wìy e naàrì é Fon mo wù-ùu ghanen bóo kiíy máa la' ndzə́v kijuŋ.

"E ghan se mò-oò dzəə̀n wánle, mò-oò kér ŋkar yem, a vé-eè túm ndzə́v bo á dù aáwune la'. Vèr a ndzə́v-eè dzə̀ ghán sìdzə̀m. Vèr nèn kù yè'éy máa lá' ndzə́v."

Fon toóy wírí e yòŋ ji wun lo laamé a Mame Sophie fó lìm ye wù lìmèn.

Vikíy fó shirəə́, vilum yoóyí, a wóné rəə́mé she'ri. Kè' fo kishiíy foo fèy wóné lo á waà kòŋ foo jùmrì Mame Sophie wùnà yòv jii, "Yo' dzə̀ kinyo ki koóy mo a kintav ke Mame Sophie kí dzə̀ é mo ghàŋ."

You are free to download, copy, translate or adapt this story and use the illustrations as long as you attribute in the following way:

Màmé Sophie woo ntav

Author - Thandiwe Dlodlo
Translation - Beatrice Tafon Takeh and Mbinkar Emmanuel Keelen
Illustration - Simon Mokoena
Language - Lámnsoʼ
Level - First paragraphs