Document

Matodzi woo ŋgaà shammèndzə̀n

Tshedza Tlhako

Busisiwe Ndlovu

Wan woo wiíy wùmò'-oò dzə̀ aá yoŋ yír rə́ ji Matodzi.

Matodzi-iì dzə́ e ntè' yìmò' wùn yè wov à yeè yè wov.

Wáa dzə e kishiíy kímó' kí, yè wov fó ntum ji wù du shó e ntè' yìmò' e tiìsí á e fər və.

Yìy à-Matodzi kuúmé wun jii, "Ku jùmrì a dzə̀ dzə́ə ye wòsò yii ghán sho."

Matodzi júmrí dzə́ə yìwun e du mèé e jèmèr yè wov la' e nèn tiìsí ntum yee shooy.

Mo wù kfə́n é bam fó la', e nèn yù shijí fo wun mentsə̀m, a shí yoŋ jii, "Kii wò, ku sə̀ mo."

Matodzi nàn sí, e nèn yèn wiíy wùmò' a wù néŋ e dzəə.

Wù shá'tí wiíy woo shoóy e dzə̀r shó jii, "Kòóy ka ye à néŋ fèn bèn."

Wiíy və̀y bìnèr jii, "M dòr féyì, a m kfə̀n joyì, a lá' yémé dzə̀ kwa'da feyì."

Matodzi rə́r mendzən me wiíy və̀n.

Wù yóŋ e wiíy və̀y jii, " M lo e lì wò e dù sho e mǒ la' bì' fo yí dzəə̀n fó mentsə̀m

Matodzi nèn tòmrí wiíy woo shooy wù ló é yuv. Wùn wun ghán ji weè weè e dù mee.

Matodzi wùn yè wov, à yeè yè wov ku lèéy fo wiíy və̀y kijuŋ e dù mèé mo wù-uù bonen.

Wiíy və̀y shé'rí áwune féyì mo á leeyin fo wun.

Wù búrí Matodzi fo shiliv shé lumèn she wù kérí, à shammèndzə̀n.

Wiíy və̀y suúy é Matodzi wùn à kfəə́ r̀əə́ jii, "Yò' dzə̀ m ghàn làysìn kinyo ke vèn yiìn e mò."

"M taʼ ji vishiíy ví shaa vitaár, vèn yòŋ mo vifá vibaà ve a kì dzə̀ ji koŋ yén, vèn wàa ker."

Vishiíy ví shaa vitaár, Matodzi wùn à yè wov, à yeè yè wov nèn yòŋ vifá vee koŋ yév vee vibaà.

Kifá ke mbìy kee koŋ yév kí wáa dzə̀ lav ye yí boŋkìrì.

Kifá kee ji baà kee koŋ yév kí wáa dzə̀ kóv woó ghaa lav fo á wàa siv meŋka' e làa yòʼ dzəə́ a dù kwaʼda.

Vinyo vee vibaà ve áwune vee koŋ yév viy, vi nen kù kòóy réŋréŋ mo wiíy və̀y-ii yòŋèn.

Matodzi wùn à kfəə́ rəə́ nèn a dzə a yu vijuŋ áwune lav, a yì bóŋ áwune féyì, e kfə̀n a dzə e ghaa kòv.

You are free to download, copy, translate or adapt this story and use the illustrations as long as you attribute in the following way:

Matodzi woo ŋgaà shammèndzə̀n

Author - Tshedza Tlhako
Translation - Beatrice Tafon Takeh and Mbinkar Emmanuel Keelen
Illustration - Busisiwe Ndlovu
Language - Lámnsoʼ
Level - First paragraphs