Kwapali msikana lina lyakwe Asiyatu.

Asiyatu ŵatamaga m'musi ni mama ŵawo nambo soni anganga ŵawo ŵakongwe.

Lisiku line, mama ŵawo Asiyatu ŵatumile mwanjawo kupeleka utenga kwa baba ŵawo ŵakongwe m'musi wine.

"Mlikuye litala lyatukusajenda lila," mama ŵawo ŵakumbwisye Asiyatu.

Asiyatu ŵalikuyiye litala lyaŵalimanyi kwawula ku nyumba ja baba ŵawo ŵakongwe ni ŵapelece utengawo.

Paŵaliji mwitala kuwujila kumangwawo, ŵalipikene lisegwe lyakuwujilila pakuŵandika kuŵeceta kuti, "Conde angamucisye."

Asiyatu ŵalolite mbali syosope ni ŵaweni ŵakongwe ali agonile pa msewu.

Ŵakomasisye ŵakongwewo ni kwawusya kuti, "Ana ligongo cici mgonile apapa?"

Ŵakongwewo ŵajanjile kuti, "Lembwice nambo soni ngulwala, ni kumangwetu kuli kwakutalika."

Asiyatu ŵatendele canasa ŵakongwewo.

Ŵasalile ŵakongwewo kuti, "Cinamjigalile kumangwangu ligongo kuli kwakuŵandika."

Asiyatu ŵakamucisye ŵakongwewo kwimuka. Ŵajesile panondipanondi mpaka kuja kwika.

Asiyatu ni mama ŵawo nambo soni anganga ŵawo ŵakongwe ŵasamalile ŵakongwewo mpaka ŵaŵele cenene.

Ŵakongwewo ŵaliji ŵakuyamika kwa jemanjawo pakwasamalila.

Ŵayamicile Asiyatu pakwapa macili ni kwasamalila ŵakongwewo.

Ŵakongwewo ŵaŵecete kwa Asiyatu ni liŵasa lyawo kuti, "Ngasiliŵalila yamundendele. Gali gapite masiku gatatu, ngusaka mtende masosa gaŵili."

Pakupita kwa masiku gatatu, Asiyatu ni mama ŵawo nambo soni anganga ŵawo ŵakongwe ŵatesile masosa gaŵili.

Lisosa lyawo lyandanda lyaliji kukola nyumba jakusalala.

Lisosa lyaŵili lyaliji kukola nyumba mwakuŵandikana ni ukweti kuti akajendaga lutando lwekulungwa kusosa sasu.

Masosa gawo ganagaŵili gakombolece, mpela yaŵatite kuŵeceta ŵakongwewo.

Asiyatu ni liŵasa lyawo ŵatamaga m'nyumba jawo jakusajinonyela mnope mwakuŵandikana ni ukweti.