Kasimu anyakwile lupeta lwana magombo gejiwule.

Kasimu akwawula ku msika kusumisya magombo.

Ŵandu kumsikako akusuma yisogosi.

Nambo pangali ŵakusuma magombo ga Kasimu.

Akunonyela kwasuma yisogosi acakongwe.

"M'dela jetu, acakongwepe ni ŵakusasumisya yisogosi," ŵandu akuŵeceta myoyo.

"Ana ŵalume ŵamtundu ŵaci aŵa?" ŵanduwo akuwusya.

Nambo Kasimu ngakwasa mtima.

Akuŵilanjila, "Asume magombo gangu! Asume magombo gangu gakulyolyopela!"

Ŵakongwe ŵamo akunyakula cisagwa cimo ca magombo mu lupetalo.

Akugalolecesya magombogo.

Ŵakongwewo akusuma magombogo.

Ŵandu ŵajinji akwika ku citandalaco.

Akusuma magombo ga Kasimu ni akulya.

Mwangakaŵa, magombo ga Kasimu gosope gamasile.

Kasimu akuŵalanga mbiya syapatile.

Ni kaneko, Kasimu akusuma sopo, suga, ni buledi.

Akuŵika yinduyo mu mbale jekulungwa jawojo.

Kasimu akulelecela mbale jekulungwajo pamtwe pawo ni kwawulaga kumangwawo.