Lumbazi gakaliji malo gambone, nambo cilicose caliji cesokonecele yakwamba malo gakwe.

Kwapali mabotolo gekasice palipose. Yiduswa yayipepala yali palipose ni mpweya wanungaga.

Ŵanace ŵawulalaga ligongo lya mabotolo gekasice.

Jili mkutenda mbungo, yiduswa ya yipepala yawululukaga ni kukwelekwaga m'yitela nambo soni m'misakasa.

Yeleyi yatendekasisye ŵandu ŵajinji kuti akayikaga ku Lumbazi.

Lisiku line lyakwe, Alidi ŵa yaka 9 ŵasalile acimjakwe nganisyo.

"Kwende yalumo tusamalile malo getu gagatusyungulile. Mpaka tupyajile, kulokotanya mabotolo gekasice ni kupanganya bini jakwasila yinyalala kumangwetu nambo soni m'misewu."

"Yeleyi yitukamucisye kuŵa ŵacasa. Yitendekasye kuti ŵandu ŵa dela sine kwika kutulola," Alidi ŵapitilisye.

Ali aŵecete, Anafi ŵatite kuti, "Cilokotanye mwakusamala mabotolo gekasice. Cinagaŵice pamalo pakuti ganigaŵa gatuwulesye."

Rajab ŵatite kuti, "Cinjice naco cibigili cakala kutyocela m'nyumba mwangu kuti tukamucisye masengo mpela bini."

Ŵakamulilaga masengo yimpepe lisiku lililyose.

Kutyocela lisiku lyelelyo, Lumbazi  jaŵele malo gambone ni gakuteteyeka kwa ŵaliwose kutama.