Lina lya Cemboce likusagopolela cisangalalo.

Cemboce ali mundu jwakusakamucisya masengo cikuku.

Liŵasa lyawo ni acimjawo akusiŵanonyela mwanjawo mnope.

Cemboce akusanonyela nyimbo.

Acimjawo akusanonyela kuŵina ni kwajimbila nyimbo.

Acimjawowo ataŵilile sipika ja nyimbo pa cikuku ca Cemboce.

Ali atonyile libatani kumbali jimo ja cikukuco, nyimbo jitatendeje kwimba.

Cemboce ŵalijongolaga ni kuŵina pa cikuku ca nyimboco.

Ŵalijiganyaga jikape kuŵina, ni kaneko kutanda kuŵina ni acimjawo.

Ŵaŵendile mama ŵawo Cemboce kuti naga mpaka ŵajinjisye Cemboce mu mpikisano.

Mama ŵawo Cemboce ŵakundile.

Acimjawo Cemboce ŵajasime foni ja mama ŵawo Cemboce kuti ajambule kanema ja mpikisano wa kuŵina.

Ŵajambwile Cemboce ali mkuŵina nyimbo jawo jakusajinonyela mnope, ni kaneko ŵajitumisye kanemajo kuti ajinjile mu mpikisanowo.

Cemboce ŵasaguligwe pa mpikisanowo!

Lisiku lya mpikisanowo lyayice.

Cemboce ŵawete yakuwala yakusalala.

Pajatandite nyimbo kulila, ŵajesile mwakulosya kuyamika nambo soni mwakusangalala.

Ŵandu ŵakulolela ŵagumisile lina lyawo, "Cemboce! Cemboce!"

Yakuwona, ŵaliji namatetule jwakuŵina pa lisikulyo.

Cemboce ŵawinile mpikisanowo ni ŵapatile mbote syejinji.