Aji ni Mbwa.

Mbwa jili m’nyumba mwakwe. Mbwa jitemi
m’nyumba mwakwe.
Nikaneko ŵaneŵakwe akugogoda petanga.

Mbwa jikuwugula litanga.
Mbwa ŵaweni ŵaneŵakwe ali yelo.

Mbwa jikuwusya kuti, “Ana m’mwe ŵani?”
Cili Come. Come cili yelo.

Mtwe wa Comeco uli yelo. Manyunya ga Comeco gali
yelo.

Makono ga Comeco gali yelo. Magasa ga Comeco
gali yelo.

Pakamwa pa Comeco pali yelo. Mbula sya Comeco
sili yelo.
Mawiwi ga Comeco gali yelo. Meso ga Comeco gali
yelo.

Mbwa jikuwusya kuti, “Ana ligongo cici mli ŵayelo?”
Come cikuti, “Ngangumanyilila.’

Mbwa jikuwusya kuti, “Ana mwaliji kwapi?”
Come cikuti, “Naliji kusukulu.”

Mbwa jikuwusya kuti, “Sukulu jakwe japi?”
Come cikuti, “Naliji kusukulu ja m’musi muno.”

Mbwa jikuwusya kuti, "Ana ndaŵici jamwaliji
kusukulu?"
Come cikuti, "Naliji kusukulu kundaŵiku."

Mbwa jikuwusya kuti, “Ana mtesileje cici
kusukuluko?”
Come cikuti, “Ngonileje.”

Mbwa jikuwusya kuti, “Mgonileje kusukulu! Ana
mgonileje papi?”
Come cikuti, “Ngonileje kusyeto sukulu.”

Mbwa jikuganisya ni Mbwajo jikulemba:
Ŵani: Come
Kwapi: kusyeto sukulu
Sukulu japi: jajili m'musi muno
Ndaŵici: kundaŵiku
Kutenda cici: kugona
Ligongo cici: ?

Comeco cikuti, “Nganimba jikape kusukuluko.
Kwapali soni ŵaneŵakwe.”

Mbwa jikuwusya kuti, “Ana ŵane soni ŵani
ŵaŵapali kusukuluko?”
Come cikuti, “Ndembo jaliji kusukuluko.”

Mbwa jikuwusya kuti, “Ana Ndembojo jitesileje
cici?”
Come cikuti, “Ndembojo jipetileje.”

Mbwa jikuti, “Ana Ndembojo jipetileje cici?”
Come cikuti, “Ndembojo jipetileje sukulujo.”

Mbwa jikuti, “Ana Ndembojo jipetileje
camtuli?”
Come cikuti, “Ndembojo jipetileje sukulujo
kukamulisya masengo bulashi jekulungwa…”

Come ngacikuŵeceta cilicose. Come cikuganisya.
Ni kaneko akuŵeceta kuti, “Sambano
ngumanyilila ligongo lyambelele yelo!”

Come ni Mbwa jikulongosyana kwawula kusukulu.
Ndembo jikupeta sukulu.
Ndembojo jikupeta sukulujo yelo.

Ndembojo jipetile cilicose.
Ngaŵa sukulupe, nambo Ndembojo jicipetile Come
soni!

Ngwawula a Come ŵayelo.
Ngwawula a Mbwa.
Ngwawula a Ndembo.

Your translated text