ታክጋሎ ማለት ደስታ ማለት ነው።

ታክጋሎ ዊልቸር የመትጠቀም ልጅ ነች።

ቤተሰቦቿ እና ጓደኞቿ በጣም ይወዷታል።

ታክጋሎ ሙዚቃ ትወዳለች።

ጓደኞቿ ለእሷ መደነስ እና ሙዚቃ መጫወት ይወዳሉ።

ጓደኞቿ በታክጋሎ ዊልቸር ላይ የሙዚቃ ማጫወቻ ገጠሙላት።

በዊልቸሩ በአንደኛው በኩል አንድ ቁልፍ ስትነካ ሙዚቃው መጫወት ይጀምራል።

ታክጋሎ እጆቿን በመዘርጋት ሙዚቃ በሚጫወተው ዊልቸር ላይ ትጨፍር ነበር።

በራሷ ዳንስ ተለማመደች እና ከዛም ከጓደኞቿ ጋር መደነስ ጀመረች።

አንድ ቀን ጓደኞቿ በጋዜጣ ላይ የዳንስ ውድድር ሲተዋወቅ አዩ።

ታክጋሎን ማወዳደር ይችሉ እንደሆነ የታክጋሎን እናት ጠየቋት።

የታክጋሎ እናት ተስማማች።

የታክጋሎ ጓደኞች ለዳንስ ውድድሩ ቪዲዮ ለመስራት የእናቷን ሞባይል ተበደሩ።

ታክጋሎ የምትወደውን ዘፈን ስትጨፍር በቪዲዮ ቀረጿት፣ ከዚያም የቪዲዮውን ወደ ውድድሩ ላኩት።

ታክጋሎም ለውድድሩ ተመረጠች።

የውድድሩ ቀን ደረሰ።

ታክጋሎ አዲስ የሚያምር ልብስ ለብሳለች።

ሙዚቃው ሲከፈት ግርማ ባለው ሁኔታ እና በደስታ ተንቀሳቀሰች።

በታዳሚው ውስጥ የነበሩት ሰዎች "ታክጋሎ! ታክጋሎ!" እያሉ ጮሁ።

እውነትም የዘመኑ የዳንስ ኮከብ ነበረች።

ታክጋሎ ውድድሩን እና ብዙ ሽልማቶችን አሸነፈች።