Thakgalo shishi ji miishɛɛ.

Thakgalo ji mɔ ko ni kɛ helatsɛmɛi ashwiili tsuɔ nii.

Ewekumɛi kɛ enanemɛi sumɔɔ lɛ waa.

Thakgalo sumɔɔ lala waa.

Enanemɛi lɛ sumɔɔ joo kɛ lalai ni amɛtswaa amɛhaa lɛ.

Enanemɛi lɛ kɛ lala he wiemɔ tsɔne ko wo Thakgalo helatsɛmɛi ashwiili lɛ nɔ.

Kɛ́ eta bɔtin ko ni yɔɔ helatsɛmɛi ashwiili lɛ fã kome lɛ he lɛ, lala tswaa.

Thakgalo baajie ehe ni ejo kɛya lala he helatsɛmɛi ashwiili lɛ nɔ.

Ekase joo lɛ diɛŋtsɛ, ni no sɛɛ lɛ ekɛ enanemɛi lɛ bɔi joo.

Gbi ko lɛ, enanemɛi lɛ na joo he akaŋshii ko ni atswa he adafi yɛ adafitswaa wolo mli.

Amɛbi Thakgalo nyɛ kɛji amɛbaanyɛ amɛbote akaŋshii lɛ mli amɛha lɛ.

Thakgalo nyɛ kpɛlɛ nɔ.

Thakgalo nanemɛi lɛ fa emami tɛlifoŋ lɛ koni amɛkɛfee vidio kɛha joo he akaŋshii lɛ.

Amɛjie Thakgalo lala ni esumɔɔ waa lɛ joɔ lɛ he vidio, kɛkɛ ni amɛkɛ vidio lɛ mlibotemɔ lɛ maje akaŋshii lɛ.

Ahala Thakgalo kɛha akaŋshii lɛ!

Akaŋshii gbi lɛ bashɛ.

Thakgalo wo atade hee fɛfɛo ko.

Kɛ́ lala lɛ tswa lɛ, ekɛ miishɛɛ tsiɔ ehe kɛyaa kɛbaa.

Mɛi ni yɔɔ toibolɔi lɛ ateŋ lɛ bolɔ amɛtsɛ egbɛi, "Thakgalo! Thakgalo!"

Anɔkwale, lɛ ji ŋulami ni joɔ yɛ nakai gbi lɛ mli.

Thakgalo ye kunim yɛ akaŋshii lɛ mli kɛ jweremɔ nii babaoo.