Kulɛ Lumbazi baafee he ko ni hi, shi nɔ fɛɛ nɔ ejaaa yɛ he ni eyɔɔ lɛ he.

Ayɛ tɔi ni ejwara yɛ he fɛɛ he. Woji bibii eyi gbɛjegbɛi lɛ anɔ ni kɔɔyɔɔ lɛ mli je fu waa.

Gbekɛbii pila kɛjɛ tɔi ni ejwara lɛ amli.

Kɛ́ kɔɔyɔɔ miitswa lɛ, woji bibii fɔ̃ɔ ni amɛfoɔ tsei kɛ tsũi ayiteŋ.

Enɛ ha mɛi babaoo tsi amɛhe kɛjɛ Lumbazi sramɔ he.

Gbi ko lɛ, Chike ni eye afii 9 lɛ kɛ enanemɛi lɛ gba susumɔ ko he sane.

"Nyɛhaa wɔfea ekome kɛtsumɔ wɔshihilɛhe lɛ. Wɔbaanyɛ wɔtsumɔ, wɔjie tɔi ni ejwara ni wɔfee jwɛi ŋtayaai kɛha wɔshiai kɛ gbɛjegbɛi lɛ."

"Enɛ baaye abua ni wɔhi shi yɛ hetsemɔ mli. Ebaaha akutsei krokomɛi abasara wɔ," Chike tsa nɔ.

Beni ewieɔ lɛ, Obi kɛɛ, "Maŋɔ tɔi ni ejwara lɛ jogbaŋŋ. Makɛwo he ni amɛpilaaa wɔ."

Felix kɛɛ, "Mikɛ googa momo ni yɔɔ mishia lɛ eko baaba koni wɔkɛtsu nii akɛ jwɛi tsinsii."

Amɛfeɔ ekome kɛtsuɔ nii daa gbi.

Kɛjɛ nakai gbi lɛ nɔ kɛbaa nɛɛ, Lumbazi ebatsɔ he ko ni mɔ fɛɛ mɔ baanyɛ ahi ni yɔɔ hewalɛ ni yɔɔ shweshweeshwe.