Lumbazi daa nyɛla tinŋ viɛli amaa di biɛhigu daa ka kasi.

Kɔliba ŋmama daa kuli biɛla di luɣili kam. Ka takari chɛriti daa kuli wuligi n-gili di pala zuɣu ka di pɔhim gbaza daa kuli nyo.

Bihi daa nyarila dansi kɔliba chɛri maa zuɣu.

Pɔhim daa ʒera takari chɛriti maa tamdi tihi mini niribi yiya zuɣu.

Dizuɣu daa chɛ ka niribi jɛ Lumbazi.

Dahinshɛli ka Chike ŋun daa nyɛ yuuma awei daa yɛli o-zonima.

"Ti malimiya ti ya maa. Tin tooi kɔli, n-pihi kɔliba chɛra ŋɔ zaa ka lahi mali sahiri gungɔna zali ti yiŋsi mini ti pala zuɣu."

"Din sɔŋ ti ka ti bɛ kasi. Din lahi chɛ ka saamba kaari ti," Chike yɛliya.

O-ni daa yɛli naai, Obi daa yɛliya, "Mani n-yɛn pihi kɔliba chɛra ŋɔ zaa. N-zaŋ di zaa chaŋ ti labi luɣi shɛli din ku tooi n-titi dansi."

Felix yɛliya, "Mani gba ni zaŋ ti yiŋ bɔkati kurili na ka ti zaŋ li leei sahiri gungɔnŋ."

Be daa laɣimdimi tuumdi biɛɣukam.

Ka Lumbazi leei tinŋ shɛli din viɛla ka mali alaafee ti sokam.