Kurumbuna saha, ko kpaɣu n-daa paai mɔŋni binkɔbiri.

Be daa gonŋ gili luɣuli kam ka be nyari kom.

Be daa bɔli laɣingu ni be gbaai beni yɛn niŋ shɛm. Binkɔb' kam zaa daa bɛ laɣingu maa ni amaa Yɔbaa daa kani.

Yɔbaa daa yɛliya, "Wula kan yɛn chaŋ laɣingu shɛli kpakpuli nyonŋ ni bɛni?"

Be daa laɣim gbaai be laɣingu maa puuni ni be gbim kobilga.

Kparibua daa yɛliya, "Ti kobilga maa yɛn zilimi ka bara. Din ti pali ko kpaɣu ku tooi lan paati."

Be daa kuli yilindila yila ka wara n-gbiri ka tiri taba.

Be daa gbin paai kom, ka di puhi pali kobilga maa zaasa.

Be daa niŋ suhupiɛlli pam. Be na ʒin nyu ko nyaɣisili ŋɔ kpeei.

Din dahinshɛli ka be daa kpahim baŋ ni so duɣirila be kom maa ka daɣirili sahakam.

Ka be daa gbaai ni di tu ni be guli be kobilgi maa ka tiri taba.

Di daa paai Songa gubu dabsili. Ka yɔbaa daa kana ni o-gabiga.

"Bo ka bɔri kpɛ?" Yɔbaa daa bɔhiya.

"N-gurila kom maa," Songa daa labisiya.

Yɔbaa daa yɛli Songa ni be diɛma.

Ni be diɛma maa yɛn nyɛla ni be yɛn zaŋdila gabigi ŋɔ n-lɔri taba, ka pɔbiri be nina n-kalindiri hali ni tuhili.

Songa daa sahiya.

Yɔbaa daa lo Songa tabili tii maa, ka daa chɛ ka o-pɔbi o-nina m-pilli kalibu

Yɔbaa daa nyu kom maa ka lahi duɣili.

Yɔbaa ni daa naai o-daa tooigi kom maa shɛli kuli yiŋa. Ka Songa daa na kuli kaanda.

Songa ni daa kali naaigi o-daa yogi o-nina.

Yɔbaa daa lahi ka nimaani.

Songa daa kuhi bɔli binkɔb shɛbi ban daa kpalim maa ni be kamna ti larigo bahi.

Binkɔbiri maa daa kuli na kul guri la be kobilgi maa, amaa be so daa na be tooi gbaai Yɔbaa.

Dinsaha ka Kpakpuli yɛli, "Chɛliya kan guli." O- daa yihi fim kobilgi maa puuni n-gulli Yɔbaa.

Yɔbaa ni daa kana, o-daa yɛli o-suhu ni, "So ka kpɛ!" Ka daa pili kom maa nyubu.

Binshɛɣu daa dim o-zili. Ka daa voogo niŋ kom maa ni!

Din saha ka binkɔb ban daa kpalim maa daa guui na beni daa wum ka Yɔbaa daa kuhira.

Binkɔbiri maa daa lo yɔbaa.

Kpakpuli daa yɛliya, "A-tumla ti zaa taali. Ti yɛn darigila atibili." Binkɔbiri maa daa puhi Kpakpuli ni o-kpaŋmaŋa.

Dindali hali be daa kpalimi nyuri la ko viɛli ka muɣisigu shɛli daa lahi kaba.