Masoyi tinŋni, bipuɣinbil n-daa bɛni ka o-mali baŋsim ka o-yuli booni Nomusa. O-mini o-yɛb paɣa n-daa bɛni, ŋun daa kɔri kawana.

Niribi shɛbi ban daa bɛ tiŋ maa ni daa ku tooi karim beei n-sabi. Be tuma daa nyɛla pukparilim.

Nomusa daa bɔri shikuru chandi pam ka di mali o-yɛb paɣa suɣipielim.

Biɛɣukam shikuru ni ti ylŋsi o-yɛb paɣa daa puhiri o-la pu tuma.

O-daa kariti la jaŋsi mini ŋmana ban daa kanna ti diri be puuma.

Nomusa daa be tooi kariti jaŋsi mini ŋmana maa zaa wuntaŋni kam. O-daa be nyari saha n-niŋdi o-yiŋ shikuru tuma.

Bihi pam ban daa bɛ tiŋ maa ni daa naŋrila shikuru biɛɣukam domi be daa chanila puuni.

Di daa ti paa saha shɛli ka nyenyonigo daa gbaai Nomusa ni o-ni kariti ŋmana mini jaŋsi biɛɣukam maa.

"Di tu nin niŋ shɛli," o-daa tɛhiya.

Nomusa daa lo dari ayi tabili taba. Ka zaŋ o-tuma nɛma yɛli dari maa.

O-daa zaŋ dari maa sa tingbani ka zaŋ o-tuma zipilgu m-pilli.

Di daa nyɛla varisigu!

Nomusa daa zaŋ varisigu maa sa kawana puu maa sunsuuni.

"Varisigu ŋɔ ni zali n-zani kan niŋdi n-yiŋ shikuru tuma. N-yeb paɣa ni tɛhi ni mani m-bɛ puuma ni maa," Nomusa daa la o-kparima ni.

Biɛɣukam o-daa zaŋdila o-shikuru bagi n-chani puuma ni.

O-daa yɛrila o-shikuru nɛma ka zaŋdi o-tuma nɛma mi solimdi varisigu maa.

Ka daa kpalim nyari saha n-tooi niŋdi o-yiŋ shikuru tuma.

Dabisa daa gariya ka Nomusa daa yɛli, "N-yɛb paɣa ku tooi baŋ yɛm shɛli nin niŋ ŋɔ."

Nomusa daa niŋ suhupiɛlli ni lahiʒibsi pam.

Jaŋsi mini ŋmana daa be tooi lan kpɛri be kawana puuma ni.

Wuntaŋ shɛli ka o-yɛb paɣa daa kana kawana ŋahibu puuma ni.

Puuma daa kuli fohami. Jaŋsi mini ŋmana daa ka di puuni.

O-yɛb paɣa daa yɛliya, "Nomusa kpaŋ o-maŋa."

O-yɛb paɣa daa kuhi bɔli, "Nomusa! Nomusa! Ya ka bɛ?"

O-daa be wum saɣibu.

Ka daa nya varisigu maa ni sa puuma sunsuuni , ka so Nomusa nɛma!

O-yɛb paɣa ni daa nya Nomusa ni niŋ shɛm maa daa chɛ ka o-suhu paligi pam.

O-daa yɛliya, "Baŋsim mini yɛm m-bala. Nomusa ni tooi be lan chaŋ ti kariti jaŋsi mini ŋmana maa ni o-yɛm ŋɔ."

Be tiŋ maa niribi daa yu Nomusa baŋsim maa. Ka be zaa daa kpalim sari varisigu be puri ni.

Varisigu maa daa kariti jaŋsi mini ŋmana be puri ni.

Ka be bihi daa tooi mali saha n-chani be shikuriti.