Wuntaŋ tuuli dabsili shɛli, Khosi daa kuli biɛla yiŋ chani ginda, ka tehari o-ni yɛn niŋ shɛm.

O-ma daa chaŋla mɔɣini ka chɛ Khosi konko bahi yiŋa.

"Bo kan yɛn niŋ m-maŋa?" Khosi daa bohi o-maŋa.

Hankali daa kana o-suhu ni.

"Chɛ kan chaŋ ti duɣi kom kuligi ni, m-mini ŋun yɛn chaŋ?" Khosi daa tɛhiya.

Din saha maa ka Mama Sophie daa gariti chani kuligi ni. O-daa gbibla piɛɣu titali ka nɛma daa palli di ni.

"Chɛ kan dɔli Mama Sophie chaŋ kuligi ni!" Khosi daa yɛliya.

"Nin tooi dɔla ka ti chaŋ kuligi ni?" Khosi bɔhaya. Mama Sophie daa laya ka guhim o-zuɣu.

Bin daa chana, Nazipho gbaza daa pahi be zuɣu ni be chaŋ. Nazipho daa jɛ kom duɣibu amaa o-daa leei bɔrila ni o-lihiri niriba ka be duɣiri kom.

Be ni daa paai kuligi maa ni. Khosi daa yɛliya, "Zuŋɔ m-pala ŋun yɛn duɣi ko shɛli din be zilima, ka mani bibili n-nyɛ ma la! M-bɔri nin wuhi sokam ni n-ni tooi duɣi ko shɛli din zilima."

O-daa yiɣ lu kom maa ni. Ka di kum!

Nazipho daa ʒila kpaŋ lihiro.

Nazipho daa kuli ʒimi lihiri bihi maa zaa ka be duɣiri kom maa ni suɣipielim

Be daa kuli yɔri la vuri kom maa ni ka duɣira.

Ka lahi diri tabi alizama kom maa ni.

Nazipho daa daa nya ka Khosi ŋun kuli biɛla kom maa sunsuuni. O-daa bɛ katiŋa ni o-tab shɛbi ban daa bɛ kom maa ni.

Dabiem daa gbaaigo ka o-daa guui chaŋ paɣaba ban daa bɛ kuli nɔli ni paɣiri be paɣibu.

"Ti sɔŋya ma! kom maa dirila Khosi," Nazipho daa kuhiya bɔliba.

Din saha Ka Mama Sophie daa yihi lu kom maa ni. Ka daa pili duɣibu.

O-daa fim kom lu kom maa tiŋa ka bɔri Khosi shei.

O-daa nya Khosi ka gbaai o-nuhi ka duɣiri ni be du ko duli. Mama Sophie daa sɔŋ zaŋ Khosi duhi ko duli.

Mama Sophie daa niŋ yomyom n-zaŋ ŋɔ yina ka bihi mini paɣaba zaa daa kuli kuhira.

O-daa kpabi Khosi n-guui chaŋ ashibiti ka Nazipho gba guri doli o-nyanŋa.

Be ni daa paai ashibiti maa ni. Ashibiti nursi Noxolo daa guui n-tuhiba soli n-sɔŋ ba.

Nursi Noxolo daa zaŋ Khosi kpɛ ashibiti duu maa ni ka o-tabi gba daa pahi ka be sɔŋ.

"O-mali alaafee! Ti niŋ saha pam domi o-be lu kotiŋ maa ni n-yuugi!" Nursi Noxolo yɛliya.

Mama Sophie daa nya suhudoo.

Sokam ŋun daa bɛ ashibiti maa ni daa puhi ka pahi o pam ni o-kpaŋmaŋa.

"M-mali suhupiɛlli pam ni n-ni tooi faai nyevuli bahi ŋɔ," Mama Sophie daa yɛliya.

Lahabali ni daa paai tinŋ naa. O-daa tim ka be ti bɔli Mama Sophie na.

Mama Sophie daa yɛli tinŋ naa din niŋ shɛm hali ka o-ti mi ko duɣili.

"Nin daa nyɛ bia, n-zo yiŋ daa biɛla kuligi duli yaɣili. Dinzuɣu daa chemi ka ti bɔhimdi kom duɣibu biɛɣukam!" o-daa yɛliya.

Tinŋ naa daa laɣim o-kpam baliba ka daa yɛli ni o-yɛn tila Mama Sophie pini ni o-kpaŋmaŋa.

Paɣaba daa kuli parila salinŋ, ka daba mi kuli vulindi vulinsi, ka bihi mi kuli yɔhara ni suhupiɛlim. Din dali hali bii kam daa bɔri ni o-dɔla Mama Sophie, ka yindi yila, "Binshɛɣu ku tooi niŋ ma, Mama Sophie ni ti bɛni!"