Jankuno mini Baa daa nyɛla zɔri.

Be daa gbaai mi ni be chaŋ ti kaai be zo Nobila, o-dɔhiri dabisili dali.

Nobila daa biɛla tinŋ shɛli ni ha. Jankuno mini Baa daa zaŋdila dabisa ayi n-paari tinŋ maa ni.

Jankuno mini Baa biɛhagu kɔtomsi daa biɛla konkɔba.

Baa daa bɔri bindirigu dibu mini gbihibu ni diɛma diɛmbu pam saha shɛŋa.

Jankuno daa mali suhukpeeni mini sɔŋsim pam. Ka daa sɔŋdi sahashɛlikam.

Be daa laɣim la Baa yiŋa ni be gbaai be gɔrim maa.

"Nin zaŋ bindirigu na dabisili tuuli dali," Baa yɛliya.

"N-gba ni zaŋna dabisi ayi dali," Jankuno yɛliya.

Be daa sabila binshɛɣu kam bin' gbaai n-sɔŋ din yɛn chɛ ka bibi tam.

"Ti mali suhupiɛlli pam tini yɛn kaai Nobila maa. Di yuuya pam kati nya ti zomaa," Baa yɛliya n-ni daa biɛndi Jankuno kuni yiŋa.

"M-puhiya pam ni anbiɛlima kulisina ŋɔ," Jankuno daa yɛli Baa.

Be daa laɣim taba biɛɣu ni daa neei ni be pili be gɔrim maa.

Be daa kuli yilindila yila ka kuli wara be ni daa pili be gɔrim maa.

Be daa paa ti karili gbinni ka daa vuhi. "Kum m-mali ma! Ti dima," Jankuno yɛliya.

Baa daa niŋ yomyom, ŋmaai bindirigu maa niŋ ŋmana ayi puuni. Bindirigu maa daa mali kpam mini kom pam.

Jankuno daa bɔhaya, "Bindiri shɛli an zaŋ na ni ti zaa di maa m-bala?"

Jankuno daa be niŋ suhupiɛlli domi o-zo daa be zaŋ bindiri shɛli be ni gbaai ni o-zaŋ na. Dinzuɣu n-daa be di bindirigu maa.

"Bo ka ʒeya gula?" Baa bɔhaya. O-daa bɔrimi ni Jankuno chɛ yɛltɔɣa yɛlibu ka kana ka be di.

Jankuno daa zaŋ o zuɣu yiɣisili maa bɔhho, "Bo zuɣu ka zaŋ bindiri shɛli a-ko ni bɔra na?"

Baa daa kuli dirila yomyom ka ŋmani maa ti faa lu tingbani.

Baa bindirigu maa zaa daa kpaai mi do tingbani.

"N-zo di che ka di muɣisa," Jankuno yɛliya.

Jankuno daa yihi o-bindiri nyaŋsili viɛla shɛŋa o-gba ni daa ʒina. Ka daa pili dibu.

Baa daa kuli niŋdila nambɔsili lihiri Jankuno.

Jankuno ni daa din naai, o-daa zaŋ din kpalim maa niŋ o-bagi ni ka yɛli Baa, "Tin tooi tuhi ti gɔrim maa?"

Be daa be lan di fiila garigi taba be gɔrim maa chandi ni. Baa puli daa kuli kumdi domi kum daa mali o pam.

Dindali yuŋ Jankuno daa lan dimi. Ka daa dɔni gbihi ni suhupiɛlli.

Baa daa gbihimi ni kum.

Biɛɣu ni daa neei, Jankuno daa lahi dimi. Baa daa kuli liɣiri la Jankuno.

Jankuno daa ŋmaai bindirigu maa n-ti o.

Baa yɛliya, "Chɛlipaŋ ma, n-tum tali."

Jankuno daa labisi ya, "Ti laɣim di."

Be ni daa tuhi be gɔrim maa, be daa lahi leei zɔri!

Be daa paai Nobila yiŋa yomyom.

"Yi gɔrim bɛ wula n-zonima?" Nobila bɔhaya.

Bi daa kuli larimi, ka laɣim labisi, "Di so."

Dɔhari dabisili chuɣu maa daa nyaɣisi pam.

Be daa ku dirimi, ka kuli yilindi yila ka wara!