Duuɓi ɗuuɗɗi caaliiɗi, dabbaaji ladde ndelli nyam.

Ɗi ɗaɓɓiti kootoye ammaa wolaa ko ɗi keɓi.

Ɗi kawri ngam tefugo wurtorde dow ɓillaare maaji. Dabbaaji fuu kawri, donndu tan lutti.

Saafaandu wi'i, "Noye mi jooɗdorto e hunyaare haccoore?"

Nder kawral ngal, dabbaaji ɗin fuu ngerdootiri ngasay ɓulndu.

Lelwa wi'i, "Ɓulndu men luggay nden yaaja. To ndu heewii, ndiyam men timmnataa fahin."

E ɗi ngima e ɗi ngama sarde nde ɗi kokkitinndita kuugal wasugo ɓulndu.

Ɗon e ɗon, ndiyam fuɗɗi wangugo nder leydi haa ɗam hebbini ɓulndu.

Ɗi fuu e ɗi seyii. Ɗi meeɗaayi mettaago ndiyam mbelɗam ba maajam.

Nyalnde wonnde, dabbaaji ɗin kirlitii woodi mo yinotoo e tunwina ndiyam ɗam.

Ɗi senndi nyalɗe reentaago ndiyam ɗam.

Ɗum nyalnde reenugo Mboju. Saafaandu wari e ɓoggol diwirgol.

"Ko ngaɗataa ɗoo?" Saafaandu ƴami.

"Ngam reenugo ndiyam men," Mboju jaabii.

Saafaandu wi'i Mboju waroy pijen.

Fijirde nden woni haɓɓinndirgo, e maɓɓugo gite nden lima yahgo ujuneere.

Mboju jaɓi koy pijida.

Saafaandu haɓɓi mboju, sarde ndu maɓɓi gite e ndu lima.

Saafaandu yari ndiyam nden yinii.

Ɓaawo ɗon, Saafaandu nyeɗi ndiyam dilli. Mboju e jokki limugo.

Mboju timmini limugo nden maɓɓiti gite.

Saafaandu artii dillii.

Mboju wulli noddi dabbaaji luttuɗi ngara pista-ngel.

Dabbaaji jokki senndugo nyalɗe reenugo, ammaa walaa mo waawi nanngugo Saafaandu.

Hunyaare wi'i, "Hannde min reenata." Ngel yinii ngel muti nder ndiyam ngam reenugo Saafaandu.

Sarde nde Saafaandu yottii, ngel numi, "Walaa mo woni ɗoo!" Ngel fuɗɗi yarugo.

Ngel nani goɗɗum ngatii ɗemngal maagel. Nden ngel wurtinaa nder ndiyam!

Dabbaaji luttuɗi fuu ndoggi ngari nde ɗi nani bojji e siikaali Saaafandu.

Dabbaaji ɗin kaɓɓi Saafaandu.

Hunyaare wi'i Saafaandu, "Min fuu a aybii-min. Min kiitoto-ma." Dabbaaji ɗin fuu mani Hunyaare e jaalorgal.

Gila nyalnde nden ɗi njokki yarugo ndiyam laaɓɗam walaa ko wanni-ɗi.