Be saŋŋ ni eho lɛ, nu efo koolooi lɛ adɛŋ.

Amɛkwɛ he fɛɛ he shi amɛnaaa eko kwraa.

Amɛbua amɛhe naa koni amɛtao amɛnaagba lɛ naa tsabaa. Koolooi fɛɛ ba kpee lɛ, ja Osɔ pɛ.

Osɔ kɛɛ akɛ, "Te mafee tɛŋŋ maya kpee kɛ akpokplonto ni shãa mɔ?"

Yɛ kpee lɛ shishi lɛ, kooloi lɛ kpɛlɛ nɔ akɛ amɛbaatsa nubu.

Adowa kɛɛ, "Wɔbu lɛ mli kwɔ ni elɛɛ hu, kɛ́ eyi lɛ, nu lɛ etãŋ wɔ dɔŋŋ."

Amɛlá ni amɛjo be mli ni amɛtsakeɔ amɛhe kɛtsaa nubu lɛ.

Yɛ naagbee lɛ, nu tsɔ shikpɔŋ lɛ mli ni eyi nubu lɛ mli obɔ.

Amɛmii shɛ amɛhe waa. Amɛnako nu ni ŋɔɔ ni mli tse tamɔ nɛkɛ dã.

Kɛkɛ ni gbi ko lɛ, kooloi lɛ yɔse akɛ mɔ ko miiwu yɛ nu lɛ mli ni eewo mli muji.

Amɛtsake amɛhe ni amɛbu nubu lɛ he.

Adaŋko yɛ nitsumɔ mli ni ebuɔ nubu lɛ he. Osɔ kɛ ekpãa ni ekɛfoɔ ŋwɛi lɛ ba.

"Mɛni ofeɔ yɛ biɛ?" Osɔ bi lɛ.

Adaŋko ha hetoo akɛ, "Wɔ nu lɛ he buu."

Osɔ bi Adaŋko ni ekɛ lɛ ashwɛ.

Shwɛmɔ lɛ biɔ ni akɛ kpã fĩ shwɛlɔ ko, ni amɛŋa amɛhiŋmɛii ni amɛkane kɛyashi akpe.

Adaŋko kpɛlɛ nɔ akɛ ebaashwɛ.

Osɔ fi Adaŋko, ni eŋa ehiŋmɛii ni ebɔi kanemɔ.

Osɔ nu nu kɛjɛ nubu lɛ mli ni efo nu.

No sɛɛ lɛ, Osɔ ŋɔ nu ni eshi. No mli lɛ, Adaŋko miikane lolo.

Adaŋko lɛ gbe kanemɔ naa ni egbele ehiŋmɛii.

Anaaa Osɔ yɛ he ko he ko.

Adaŋko bolɔ etsɛ koolooi krokomɛi lɛ koni amɛbajie lɛ.

Koolooi lɛ tee nɔ amɛtsake amɛhe ni amɛbu nu bu lɛ he, shi amɛ fɛɛ amɛnyɛŋ amɛmɔmɔ Osɔ.

Akpokplonto kɛɛ, "Ha makwɛ." Ekɛ ehe wo nubu lɛ mli koni emɛ Osɔ.

Beni Osɔ bashɛ jɛmɛ lɛ, esusu akɛ, "Mɔ ko mɔ ko bɛ biɛ!" Ebɔi dãa numɔ.

Enu akɛ nɔ ko miimɔ elilɛi. Kɛkɛ ni, agbala lɛ kɛtee nu lɛ shishi!

Koolooi krokomɛi lɛ jo foi kɛba beni amɛnu Osɔ yaafo kɛ ŋmɔlɔ.

Koolooi lɛ fĩ Osɔ.

Akpokplonto kɛɛ Osɔ akɛ, "Ofee wɔ fɛɛ efɔŋ. Abaato bo toi." Koolooi lɛ jie Akpokplonto yi akɛ amɛhewalɛtsɛ.

Kɛjɛ nakai gbi lɛ nɔ kɛbaa nɛɛ, amɛná he miishɛɛ akɛ amɛaanu nu ni mli tse ni nɔ ko nɔ ko gbaaa amɛnaa.