Be ko ni eho lɛ, gbekɛ yoo ko yɛ ni atsɛɔ lɛ Maṱodzi.

Maṱodzi kɛ emami kɛ enaa hi akrowa ko mli.

Gbi ko lɛ, Maṱodzi nyɛ kɛɛ lɛ akɛ ekɛ sane ko ayahã emami nyɛmi yoo ni yɔɔ akrowa kroko lɛ.

Emami kai Maṱodzi akɛ, "Nyɛnyiɛa gbɛ ni wɔfɔɔ nɔ kɛyaa lɛ nɔ."

Maṱodzi nyiɛ gbɛ ni ale lɛ nɔ kɛtee emami nyɛmi yoo lɛ shĩa ni ekɛ sane lɛ tee.

Beni enyiɛ gbɛ kɛmiiya shia lɛ, enu gbee ko ni bɛ hewalɛ ni bɛŋkɛ lɛ ni miikɛɛ akɛ, "Ofainɛ ye obua mi."

Maṱodzi kwɛ ehe kɛkpe ni ena yoo ko ka gbɛ lɛ nɔ.

Eŋa yoo lɛ ni ebi lɛ akɛ, "Mɛni hewɔ okã shi yɛ biɛ lɛ?"

Yoo lɛ ha hetoo akɛ, "Mibɛ hewalɛ ni hela mɔ mi, ni mikɛ mishia lɛ teŋ jɛkɛ waa."

Yoo lɛ he fee Maṱodzi mɔbɔ.

Ekɛɛ yoo lɛ akɛ, "Makɛ bo aya mishia ejaakɛ ebɛŋkɛ."

Maṱodzi ye ebua yoo lɛ ni ete shi. Amɛnyiɛ blɛoo waa kɛyashi amɛyashɛ jɛmɛ.

Maṱodzi kɛ emami kɛ enaa kwɛ yoo lɛ nɔ aahu kɛyashi ehe wa lɛ.

Yoo lɛ hiɛ sɔ amɛ waa akɛ amɛkwɛ lɛ.

Ejie Maṱodzi yi akɛ eyɛ ekãa ni esusuɔ mɔ he.

Yoo lɛ kɛɛ Maṱodzi kɛ eweku lɛ akɛ, "Mihiɛ kpaŋ nɔ ni nyɛfee nyɛhã mi lɛ nɔ kɔkɔɔkɔ.

Kɛ́ gbii etɛ ho lɛ, miisumɔ ni ofee nibii enyɔ ni osumɔɔ."

Gbii etɛ sɛɛ lɛ, Maṱodzi kɛ emami kɛ enaa fee nibii enyɔ ni amɛsumɔɔ.

Nɔ klɛŋklɛŋ ni amɛshwe ji ni amɛná shĩa fɛfɛo ko.

Nɔ ni ji enyɔ ni amɛsumɔɔ ji ni amɛná koo ko yɛ shia lɛ masɛi koni amɛkanyiɛ shɔŋŋ kɛyahe tsei.

Amɛyi enyɔ lɛ fɛɛ ashwelɛi lɛ ba mli, taakɛ yoo lɛ kɛɛ lɛ pɛpɛɛpɛ.

Maṱodzi kɛ eweku lɛ hi amɛshia fɛfɛo ni yɔɔ koo lɛ masɛi lɛ mli kɛ miishɛɛ.