Thakgalo nufii seyo.

Thakgalo woni goɗɗo naftortooɗo e koromwal marɓe gacce.

Ngenndi makko e soobiraaɓe makko ina ngiɗi-mo sanne.

Thakgalo yiɗi gimi.

Soobiraaɓe makko ngiɗi wamarde e yimango-mo.

Soobiraaɓe makko nyiɓi mbaggu ley koromwal Thakgalo.

So o meemii sera koromwal marɓe gacce ngal, ɗon bawɗi puɗɗa fijugo.

E dow koromwal marɓe gacce, Thakgalo waawii waylitaago wama gimi.

O ekkitii wamarde ndee e hoore makko, nden o fuɗɗi wamugo e soobiraaɓe makko.

Nyalnde wonnde soobiraaɓe makko ngi'i geeyngal daddattiro wamarde sipppaama nder wonnde jaaynde.

Ɓe yami daada Thakgalo so ɓe mbaawi ɓe tefa nastugo daddattiro ngo ngam makko.

Daada Thakgalo jaɓi.

Soobiraaɓe Thakgalo nguƴii cinndel telefon daada makko ngam filmugo wiidiyo wamarde nastuki daddattiro ngon.

Ɓe pilmi Thakgalo e wama gimol makko ngol o ɓuri yiɗugo, nden ɓe ngerɓi wiidiyowol ngol ngam nastuki daddattiro. Thakgalo suɓaa ngam nasta daddattiro ngon.

Nyalnde daddattiro yottake.

Thakgalo ɓornii kolte booɗɗe.

Nde gimi fijaa, o waylitii nder newaare e weltaare.

Kala wonɓe e nokkuure nden ngooki innde makko, "Thakgalo! Thakgalo!"

Goonga, konko wonnoo hoodere nyalnde nden.

Thakgalo heɓii jaalorgal daddattiro ngoo e dokke goɗɗe keewɗe.