Nyalnde wonnde nde naange nyaaɗnge, Khosi e yaha-warta, rellii ko huwata.

Daada makko dilli ngesa accii Khosi feere mum.

"Ko mi huwata?" Khosi ƴami hoore mum.

Wonnde dabare warani Khosi.

"Mi yahay mi yinoo to maayo, ammaa moye mi yahdata?" Khosi numi.

Sarde nden Mama Sophie saalii ngam yahgo maato. O ronndii mbasketiwa keewnga limse.

"Mi tokkay Mama Sophie mi yaha maayo!" Khosi wolwitii.

"Mi foti tokkugo-ma maayo na?" Khosi ƴami. Mama Sophie moosi dimmbi hoore.

Nde ɓe njaha, Nozipho tokki-ɓe. Nozipho yiɗaa yinaago ammaa o laara no yimɓe nginortoo.

Nde ɓe njottii maayo Khosi wi'i, "Hannde, mi saalake yinaago nder ndiyamhal seɗɗa, bana tokosel! Mi hollay koomoye mi foti yinaago nder ndiyam lugguɗam."

O yoolii nder ndiyam. Ɗam sankitii!

Nozipho e raara gila daayɗam.

Sarde nde Nozipho e raara, sukaaɓe fuu e seyii nginoo.

Ɓe koolitoo sarde ɓe ngino.

Ɓe koolitoo e seyo hakkunde maɓɓe nder maayo.

Nozipho raaritii e de'ere, woodi ko yahdaay. Khosi e yinotonoo daayɗum gila sukaaɓe luttuɓe. Nozipho ɓeydi ɓaditaago raari fahin.

O hultorii e ko o yi'i, o doggani rewɓe loonooɓe nder maayo ngon.

"Mballe! Khosi yoolake," Nozipho noddi e semmbe.

Nder maƴƴannde, Mama Sophie diwi nasti nder ndiyam. O yinii haa ley.

O yinii ley ndiyam, nden o towti, o soƴƴitii ley fahin, e o ɗaɓɓita Khosi.

O ƴetti Khosi o yinorii wakkere ndiyam ɗuuɗaa. Nden Mama Sophie wurtini Khosi nder maayo.

Mama Sophie yaawtii saalii sukaaɓe e rewɓe siikooɓe.

Nozipho tokkiti-mo nde o yaawani nyawndorde nder labbaare, o bammbi Khosi.

Noxolo nyawndoowo doggani-ɓe ngam wallugo.

Noxolo ronndii Khosi hawtaade e woɓɓe nyawndooɓe ɓe njaawni ngam wallugo.

"O fooftii! En ngoodi saa'a o ɓeydaayi silma nder ndiyam!" Noxolo nyawndoowo wi'i.

Mama Sophie fooftindiri nde o heɓii ferwere.

Moye fuu to nyawndorde nden mani-mo e baawal yinaago.

"Mi seyake sanne nde mi waawii seetaago yonki," Mama Sophie wi'i.

Habaru yottii laamiiɗo maɓɓe. O yerɓi habaru ɓe nodda Mama Sophie.

Mama Sophie anndini laamiiɗo o ekkitorii yinaago.

"Sarde mi ɓinngel, saare soobaajo wonnoo sera maayo. Ngeendam amin fuu haade ndiyam. Doole min ekkitoo yinaago!" o wi'i.

Laamiiɗo on noddi kawral o anndini hokkugo hokkugo Mama Sophie dokkal ngam kuwgal ngal tilimngal.

Rewɓe e ngimna, worɓe e nguuɗa, sukaaɓe e siika nder seyo. Gila nyalnde nden, sukaaɓe ngiɗi tokkugo Mama Sophie, ɓe ngima, "Walaa ko meemata-yam, e Mama Sophie, tiiɗɗo, haade am!"