Woodunoo suka debbo biyeteeɗo Matodzi.

Matodzi e wondi e daada e maamiraawo mum nder labbaare maɓɓe.

Nyalnde wonnde, daada makko neli-mo to yaagorgol makko to labbaare wonnde.

"Tokku ɗatal ngal mboowuɗen tokkugo," Daada Matodzi numtini-mo.

Maṱodzi tokki ɗatal ngal woowi tokkugo yottini nelal ngal.

Dow ɗatal wartoygo, o nani sawtu goɗɗo hurumɗo haade makko, "Useni wallam."

Maṱodzi raari yi'i goɗɗo debbo e waalii caka ɗatal.

O hofni debbo on nden o ƴami, "Ko wallin-ma ɗoo?"

Debbo on jaabii, "Mi tampii boo mi nyawɗo, nden mi daayiiɗo saare am."

Matodzi yurmini debbo oo.

O wi'i debbo on, "Mi yahrete saare amin ngam nde daayaay."

Matodzi walli ummini debbo on. Ɓe njahi seese seese haa ɓe njottii.

Maṱodzi e daada mum e maamiraawo ayni debbo on maa nde o yamɗiti.

Debbo on weltii sanne e walliinde maɓɓe ngam aynugo-mo.

O mani Matodzi e enɗam e maa tiiɗnaare mum.

Debbo on wi'i Matodzi e ngenndi mum, "Mi yejjitittaa ko ngaɗanɗon-yam.

Ɓaawo nyalɗe tati, mi yiɗi ngelooɗon kuuje ɗiɗi."

Ɓaawo nyalɗe tati ɗen, Matodzi e daada mum e maamiraawo ngelii heɓgo kuuje ɗiɗi.

Arannde ni ɓe ngelii margo saare wooɗnde.

Yelaa maɓɓe ɗiɗaɓum woni saare nden wona haade laynde ngam taa ɓe ndaayo tefugo leɗɗe.

Yelaa maɓɓe ɗiɗi fuu lattake, ɓaawo nde debbo on wi'i.

Maṱodzi e ngenndi mum fuu ngeeɗi nder seyo nder saare maɓɓe wooɗnde haade laynde.