Duuɓi ɗuuɗɗi caaliiɗi, dabbaaji ladde ndelli nyam.

Ɗi ɗaɓɓiti kootoye ammaa wolaa ko ɗi keɓi.

Ɗi kawri ngam tefugo wurtorde dow ɓillaare maaji. Dabbaaji fuu kawri, Jackal tan lutti.

Jackal wi'i, "Noye mi jooɗdorto e hunyaare haccoore?"

Nder kawral ngal, dabbaaji ɗin fuu ngerdootiri ngasay ɓulndu.

Antelope wi'i, "Ɓulndu men luggay nden yaaja.
So ndu heewii, ndiyam men timmnataa fahin."

E ɗi ngima e ɗi ngama sarde nde ɗi kokkitinndirta kuugal wasugo ɓulndu ndun.

Ɗon e ɗon, ndiyam fuɗɗi wanngugo nder leydi haa ɗam hebbini ɓulndu.

Ɗi fuu e ɗi seyii. Ɗi meeɗaayi mettaago ndiyam mbelɗam ba maajam.

Nyalnde wonnde, dabbaaji ɗin kirlitii woodi mo yinotoo e tunwina ndiyam ɗam.

Ɗi senndi nyalɗe reentaago ndiyam ɗam.

Ɗum nyalnde reenugo Mboju. Jackal wari e ɓoggol diwirgol.

"Ko ngaɗataa ɗoo?" Jackal ƴami.

"Ngam reenugo ndiyam men," Mboju jaabii.

Jackal wi'i Mboju wari koy pijada.

Fijirde nden woni haɓɓinndirgo, e maɓɓugo gite nden lima yahgo ujuneere.

Mboju jaɓi koy pijida.

Jackal haɓɓi Mboju, sarde ndu maɓɓi gite lima.

Jackal yari ndiyam nden yinii.

Ɓaawo ɗon, Jackal nyeɗi ndiyam dilli.
Mboju e jokki limugo.

Mboju timmini limugo nden maɓɓiti gite.

Jackal artii dillii.

Mboju wulli noddi dabbaaji luttuɗi ngara pista-ngel.

Dabbaaji jokki senndugo nyalɗe reenugo, ammaa walaa mo waawi nanngugo Jackal.

Hunyaare wi'i, "Hannde min reenata." Ngel yinii ngel muti nder ndiyam ngam reenugo Jackal.

Sarde nde Jackal yottii, ngel numi, "Walaa mo woni ɗoo!" Ngel fuɗɗi yarugo.

Ngel nani goɗɗum ngatii ɗemngal maagel. Nden ngel wurtinaa nder ndiyam!

Dabbaaji luttuɗi fuu ndoggi ngari nde ɗi nani bojji e siikaali Jackal.

Dabbaaji ɗin kaɓɓi Jackal.

"Min fuu a aybii-min. Min kiitoto-ma." Dabbaaji ɗin fuu mani Hunyaare e jaalorgal.

Gila nyalnde nden ɗi jokki yarugo ndiyam laaɓɗam walaa ko wanni-ɗi.