Nder labbaare Masoyi, woodi suka debbo perɗo inndiraaɗo Nomusa. O wondi e maama makko, lattiiɗo no demoowo butaali

Ɓurnaa yimɓe labbaare nden mbaawata janngugo walla winndugo. Ɓe ngeeɗira ndemri maɓɓe.

Nomusa yiɗi yahgo janngirde, boo maama makko e seyorii-mo sanne.

Kala nde fini fuu ɓaawo o wartii janngirde, maama makko halfina-mo reenugo ngesa.

O doggida baaɗi e colli to ɗi ngarii ngam nyaamugo ndemri maɓɓe.

Nomusa fottii caɗeele doggudugo baaɗi e colli kala nyalawma fuu. Ɓurnaa fuu o heɓataa ferwere ngam timmingo binndi makka ɗi hokkaa to janngirde.

Sukaaɓe ɗuuɗɓe keɓataa njaha janngirde ngam ɓe ndokkaama

Nde faɓɓe, Nomusa somi doggudugo e baaɗe e colli.

"Mi woodi dabare wonnde," O numi.

Nomusa haɓɓindiri leɗɗe ɗiɗi juutɗe. O ɓorni leɗɗe ɗee e kolte makko ɗe o huwrata.

O ɓili-ɗe dow nde o hufniɗe hufneere kuwɗe makko.

Ɗum kulnirga!

Nomusa joɗɗini kulnirga ngaa caka ngesa kan.

"Ngaa kulnirga jaɓanay-yam kuwgal sarde mi huwata kuwgal binndi janngirde am. Maama am numay ko min woni nder ngesa," Nomusa mosmosti.

Ndeye fuu, o hoosa booroore janngirde makko o yahda ngesa.

O ɓornoo kolte janngirde makko nden o ɓorna kulnirga kolte kuwɗe makko.

Nde o jokka binndi makko ley ɗowdi leggal.

Ɓaawo nyalɗe goɗɗe, Nomusa muni, "Maama faamataa kuwgal dabareeje am ɗee."

Nomusa seyii, non maa dabareeje makko kaayɗini-mo.

Baaɗi e colli fuu ndaaytii ngesa kan.

Kiikiiɗeere wonnde, maama Nomusa yahi ngesa ngam teɓugo haako.

Ngesa kan e ferwe. Walaa ɓaaɗi walla colli nder maaka.

Maama numi, "Nomusa e huwa kuwgal booɗngal."

Maamiraawo makko noddi, "Nomusa! Nomusa! Toye ngonɗaa?"

Walaa mo nootii.

Nden o yi'i kulnirgal caka ngesa, nga ɓornaama kolte Nomusa!

Nde maama makko faami ko Nomusa waɗi, o seyii e taaniraawo makko.

O numi, "Ɗoo ko dabare wooɗnde. Naa doole maa Nomusa yahii ngesa ngam riiwa baaɗi e colli."

Dabare Nomusa fottanii yimɓe labbaare ndee.

Ɓe fuu ɓe puɗɗi naftoraago e kulnirga nder gese maɓɓe. Kulnirga nga reentii gese maɓɓe gila baaɗi e colli.

Nden sukaaɓe maɓɓe mbaawi njaha janngirle maa ɓe ndeenii aawre.