Yi tean Masoyi, mbae wanda ki ta nang, nyi nau na Nomusa. Awu song ti Na nau ra tom fong mgba.

Nde ra ko skep yi tean wu nung ba rae ti shae ti ti bae tsingkang be. Aba nde yang rae tom mam.

Nomusa shang rae manta ti kyang, na nau ma ndup te wu.

Ko wani sir ti wu a nwun manta, na nau ndau wande yi fong.

Wu rwae kwab ti nung ra nga ti yi kub wuci yi.

Nomusa ngwa kaen rae kwab ti nung ti rwae sir swin. Awu tu fo ye ti wu ndeyan wande wu na manta be.

Nyisu kuko yi tean wu kae fo ba manta be kya rae wande yi fong.

Ye ba nde ti Nomusa num ti rae nung ti kwab ti rwae.

"Mi nung rae ti mam," wu tang yi tob nau.

Nomusa yir kum ti kwab yaen faen yi wo njwo. Wu pu tugba wande na wu si kum yi.

Wu ye kum yi tsi tsen ma ya bur su na wu kyatsi su ni.

Kang wu si cwu!

Nomusa ya cwu wu tsi tampwa fong mgba wu.

"Cwu nge tsi nam ke ye ti mi nde wandem na manta. Na tang na mi na ta fong," Nomusa skwaen ti wae na wu.

Cwe ya, wu ru fong ti bur manta na wu.

Wu song ti tugba manta na wu ma pu tugba wande na wu si cwu wu.

Wu song yi wum tuku nde wande manata na wu.

Sir yatswa ma Nomusa kab, "Na nung kang ti bean yip ti me mam be."

Nomusa shu ma fur yip ti ye njwo.

Kwab yi ti nung kae ba fong mbga wu be.

Sir taen ki, na Nomusa kae fong nang to sha mgba ti sup.

Fong wu skir. Kwab ko nung ta nang be.

Na kab ti wae wu, "Nomusa nde wande ti nyang."

Na kwen rae, "Nomusa! Nomusa! Abi ta ka?"

Wo skir.

Ma wu shae cwu yi tampwa fong ti tugba Nomusa!

Ye ti Na nung ye rae ti Nomusa nde, wu ndub ti nwu da na wu.

Wu tang, "Nge kan ti bean yip. Nomusa kae yi wae fong bi kwab ti nung ti rwae be."

Patak nde yi tean wu shang rae bean yip na Nomusa. Aba kya cwu tsi fong naba ma.

Cwu yi rwae kwab yi ti nung yi fong yi.

Nyisu ma ru fo manta, ya ra fong ti kir ta.