Mandu were akiishi {akitoa} tw'aweye h'aweye misomoye tsangazimiye na babaye muhoho. Wakala ana fuga kuku mumwenga, mbuzi mwenga, gondzi mwenga na nguluwe mumwenga.

Kuku wa murika hunduni. Mbuzi, ngondzi na nguluwe kila mumwenga akimufunga kanda ya (wo ukuta) cho chumba za wayo nyumba.

Miaka michache badaye utu uu ukigaluka. O ts'aweye na h'aweye mundu mathumika na kamadimire kuona hedu kusikira t'ot'ot'o.

Ye tsangazimiye akikala mukongo kadimire kumwa visa kushera you nyumba.

Babette muhoho akikala kulala wakati wosi kamwavizire kurisa o ananyama.

O nyama mapiga londzo sana kwa ndzala.

Nyumba ya kala chafu sana misomoyo kadimire kuishera.

Mandu wa kala kutsoka wakati wosi. Kila siku wakala niende kwa aa osi.

Mandu kadimire kuenderera na hali ii kaheri. Akiuza ushauri kwa o t'saweye na h'aweye amanye ra kuhenda. Hatha vizho kafahirike kwani kamadimire kumusikira.

Misomoye kwa wo ukongo akiamba, "Nimalacho thu ninadime kulala usiku wosi ni lamuke madzacha."

Babaye muhoho mukaha akiamba, "Guza o anyama na uagulire chakurya ye ts'aweye na h'aweyo. Mandala na k'amanda kubuja."

Maudu akitsukirwa. Akimwambira, "Bamuhoho, unamanya sadima kuaguza o nyama. Ndo uthajiri nirio h'akeye."

Usiku mumwenga Mandu kalalire wachesa matso. Akikumbukira muthu mumwenga areambwa ana akili sana mulachu anadima kumboza ushauri kwa kila shaka.

Mandu wa hala wo mfugowe akimwendera ye mutu. Akifunga lugwe yo mbuzi, yong'ondzi naye nguluwe na akimutsukule ye kuku.

Mandu akifika atsoka zhomu kisha anandzala ho mudzini haye mutu mulachu.

Arichogonya kumwambira ro shakare, ye mutu mulachu akimwamba, "Nda kwa viza ela suthu ahendezho mindizho kwambira."

Mandu akiamba, "Nithayari kuhenda chochosi kindicho ni usira shaka rangu."

Ye mutu mulachu akimwamba, "Ariche haha o nyamao na uye khenu nyumbani."

Mandu akiamba, "Lakini dzaishi na nyama angu muda uu wosi. Ndo hakaye uthajiri."

Ye mtu mulachu akimwamba, "Dzaamba undakusaidia ela ni ukale undahenda zho ni ndizho kwambira."

Mandu was mala shakare rimuukire. Akiricha wo mufunowe akiuya mudzini.

Nyumba were izii na tuhu. Kila muthu wa thamani o anyama. Mandu, o tsawe na h'aweye makimulalamikira kwani makosa mazia kulaa kwayo mbuzi.

Babaye muhoho naye akiamba, "Hudzakala masikini akia kila mutu anahutseka."

Mandu kadimire kuvumirira gaga kaheri. Hatha ye mwenye naye anathamani o nyamae.

Akiuya kaheri ko kwaye mutu mulachu akimwamba, "Maisha gabadilika kaga vizho chehu bila onyama angu mo nyumbani. Atu angu mana athamani zhomu kukira kiasi."

Ye mutu mulachu akimwamba, "Nda kusaidia ela ni lazima uhende zho ndizho kuambiriza. Uya mudzini na ukaamboze kondze ye haweyo na tsaweyo.

Mundu akiamba, "Nda dimadze kuhenda vizho? Ao ndo ts'awe na h'awe. Na kamana mutu mungine wa kuatsundza ni mimi."

Mwishowe, Mandu wa kwenda mudzini na kuhenda zho arizhokala adzalagizwa. Were kana amani moyoni kamare.

Ts'aweye na h'aweye kamakalire na hatuha kwenda. Makikwa kuthangathanga masipate hatu ha kwenda na kuno masidundwe ni mihi. Mutsana mapigwa ni dzuwa na usiku mathethema na peho.

Misomoye akiandzakurira, "Usininge!"

Babeye muhoho akiandzakurira, "Usininge pia mimi!"

Mandu kadimire kuvumirara utuu kwenda kwenda. Akiuya ko kwaye muthu mulachu adza tsanyanyikirwa kisha atsukirwe.

Kuno anarira akimwamba, "Utu uu kawadimwa ni mutu mumwenga. Nip'a ushauri mudzo zaidi."

Ye mtu mulachu akiamba, "Vikara, hala a anyamao uye kwenu na uauje nyumbani ts'aweyo na h'aweyo."

Mundu akihenda here arizho ambirwa. Misomoye akiamba, "Ninda safisha yo nyumba.''

Ye babaye muhoho akauricha wo ukahawe akimwaviza zo kazi ye Mandu. Makiuya kulala na furaha kaheri.