Kwakala na musichana ariyeifwa Matodzi.

Matodzi wakala anaishi na mameye na haweye ho mudzini hao.

Siku mwenge mameye wamuhuma matodzi kwa ts'angazimiye ariyekala anatoa mudzi mwingine amuhirikire uvoro.

"Thuwa yo ngira fwenderevayo wakathi wosi," mameye akimukumbukiza.

Matodzi wangira ngira iyo ya kila siku hatha akifika akilazha wo uvoro kweye ts'angazimiye ko nyumbani hakwe.

Arihokala anauya mudzini akisikira kasauthi kathithe kana amba, "Nakuvoya unisaidie."

Matodzi wariaria akiona mwanamuche adzagwa ho kandakanda yayongira.

Akimulamusa Kisha akimuza, "Mbona urere hano?"

Ye mwanamuhe akiamba, "Sina nguvu na nimukongo na nikure zhomu na kwehu."

Matondi wa dzalwa ni mbazi na huruma kwaye mwanamuche.

Akimwambira ye mwanamuche, "Ndo kuhala fwende ko kwehu kwani ni hehi."

Matodzi akimusaidia ye mwanamuche kurungarara. Na machenda p'orep'ore hata makifika.

Mameye na haweye Matodzi mamutsundza ye mwanamuche hatha akihola.

Mwanamche wa kala na muvera zhomu kwa marizho mutsundza.

Akimulika Matodzi kwa mbazize na moyo mudzo.

Ye mwanamuche akimwamba matodzi nao atu akwao, "Sinda sahau kamare zho murizho ni hendara.

Bada ya siku t'ahu na mala muvoye mautu mairi."

Ziriho goma zo siku t'ahu Matodzi, mameye na h'aweye makihadza mautu mahahu ga mavoyo gao.

Voyo rao ra kwandza mapate nyumba mbidzo.

Voyo ra hiri makale na tsaka ho hehi nayo nyumba masikale na kwenda kure kumala kuni.

Mavoyo gao gosi gakithimira here zhoye mwanamuche amba.

Matodzi na atue makiishi na furaha mo nyumbani mwao kandakanda yaro tsaka.