Paka na kuro ni asena adzo.

Maikana mende maka mtsemberere Chick siku ya kuzhalwa kwe.

Chick were atoa mdzi mengine. Vingaahala siku mbiri kufika.

Mitoere ya Paka na Kuro were kaihalana.

Kuro wa henza kurya na alale kisha wakala muchokozi wakati mingine.

Paka ye were wenye mbazi na mkaribishi na wakukuluhirika.

Mathunganana ho ha Kuro kupanga safari yao.

Kuro akidzombozeza, "Ndareha chakurya cha siku ya kwanza."

Paka akiamba, "Nami ndareha cha siku ya hiri."

Machandika kila kitu ili masisahau.

"Handakala chehuchehu kumona Chick. Kwani ni muda mure kulaa huriho mona wa mwisho musena wehu yuyu," Kuro akiamba kuno anamwamboza Paka kuya kwakwe.

"Na muvera kunomboza," Paka akimwamba Kuro.

Magwirana madzacha sana siku iriyo thuwiriza maanze safari.

Maimba na kuzaziga kwa furaha mo ngirani.

Kidhumuo chenye badaye makioya tsini za muhi mubomu. "Na ndzala! Nahurye," Paka akiamba.

Kwa haraka Kuro achamboza vibakuli viri. Chakurya were kina mafuha na madzi.

Paka wamuuza, "Kino ndo chakurya udzoreha kwa hosini?''

Paka akitsukirwa kwa kulala musenawe were karehere chochakurya maricho lagana. Kakirirye cho chakurya cha Kuro.

"Kwa noni kurya unatharizani?" ye Kuro wa muza. Waona angarya badala ya kunung'unika.

Kwa tsukizi Paka akimuza, "Kwa noni udzareha chakurya cho uhenzacho uwe thu?"

Kuro were anarya malondo zhomu cho kibakuli cha hereza kikigwa. Wari wosi wa Kuro ukimwagika hosti.

"Usijali musenangu," Paka akiamba.

Paka achamboza mikaheye midzo sana. Akianza kurya.

Kuro akikilola na matso ga kukihenza cho chakurya.

Kisha Paka ariho gogwa kurya akiuja viyeraze hamwenga na akimwamba Kuro, "Vizde sihukwache kwenderera na safari yehu?"

Kama ningamire yo ngira yosi. Kuro ndani ye yanza kururuma na ndzala.

Dzulo riro, Paka akidzambozeza chakurya che mwenye. Akigwa kulala na furaha kwa ana chakurya cha kumuthosha.

Kuro akilala na dzala.

Madza Paka akidzambozeza cha kuryache akifungula. Kuro kadimire kuricha kukilola cho chakurya chaye Paka.

Paka wamukaribisha Kuro cho chakuryache.

Kuro akiamba, "Nisamahe wereni muchoyo."

Paka akimwambia, "Nahuvye hamwenga."

Makikelesi kwiya.

Mariho uka kwenderera na safari yao, makala asena kaheri!

Nao makifika wa kathi mudzo ko nyumbani kwa Chick.

"Safari yenu yeredze asenangu?" Chick akiauza.

Kuno manatsekerana, Paka na Kuro makiamba, "Mbidzo sana."

Bai ya kala sherehe bomu zhomu ya kuzhalwa.

Marya, makiimba na kuzaziga!