Document

Tom mundu ouza mavunde

Humphreys Odunga

Atilabachew Reda

Tom udaduka iboksi jake ja mavunde.

1

Tom ukaenda kinyangenyi kuuza mavunde.

2

Wandu kinyangenyi wawegua matunda.

3

Ela ndekune mndungi wawegua mavunde gha Tom.

Wadakunda kugua mavunde kufuma kwa waka.

4

"Mzedu, ni waka wiekeri wiuzaa matunda," niko wandu wighoraa.

"Uhu ni mundwawomi wa wada?" wandu wikakotiana.

5

Ela Tom ndeufue ngolo.

Wawewanga wandu, "Guonyi mavunde ghapo! Guonyi mavunde ghapo ghisingie!"

6

Mka umu ukashoa kidembe cha mavunde kufuma iboksinyi.

Ukaghizighana agho mavunde nicha.

7

Uhu mka ukagua mavunde.

8

Wandu wazima wikacha kwa iduka jake.

Wikagua mavunde gha Tom na kughija.

9

Baada ya ngelo vui, iboksi jikabakia jiduu.

Tom ukatala magome ughapatire.

10

Tom ukagua sabuni, sukari na mkate.

Ukakumba ivi vilambo kwa iboksi jake.

11

Tom ukaduka iboksi jake chongo na ukagala mzinyi.

12

You are free to download, copy, translate or adapt this story and use the illustrations as long as you attribute in the following way:

Tom mundu ouza mavunde

Author - Humphreys Odunga
Translation - Benard Kilaghai
Illustration - Atilabachew Reda
Language - Kidawida
Level - First sentences